________________
ठाणं
अग्गमहिसी-पदं २७. सक्कस्स णं देविंदस्स देवरण्णो अट्ठगमहिसीओ पण्णत्ताओ, तं जहा–पउमा,
सिवा, सची', अंजू, अमला, अच्छरा, णवमिया, रोहिणी ।।। २८. ईसाणस्स णं देविदस्स देवरण्णो अट्ठग्गमहिसीओ पण्णत्ताओ, तं जहा-कहा,
कण्हराई', रामा, रामरक्खिता, वसू, वसुगुत्ता, वसुमित्ता, वसुंधरा ॥ २६. सक्कस्स णं देविदस्स देवरण्णो सोमस्स महारणो अटुग्गमहिसीओ पण्णत्ताओ। ३०. ईसाणस्स णं देविंदस्स देवरण्णो वेसमणस्स महारणो अट्ठग्गमहिसीओ
पग्णत्ताओ।
महम्गह-पदं ३१. अट्ठ महग्गहा पण्णत्ता, तं जहा-चंदे, सूरे, सुक्के, बुहे, बहस्सती, अंगारे,
सणिचरे, केऊ॥ तणवणस्सइ-पदं ३२. अट्ठविधा तणवणस्सतिकाइया पण्णत्ता, तं जहा. -मूले, कंदे, खंधे, तया, साले,
पवाले, पत्ते, पुप्फे ॥ संजम-असंजम-पदं ३३. चरिदिया णं जीवा असमारभमाणस्स अट्ठविधे संजमे कज्जति, तं जहा-चक्खु
मातो सोक्खातो अववरोवेत्ता भवति । चक्खुमएणं दुक्खेणं असंजोएत्ता भवति । "घाणामातो सोक्खातो अववरोवेत्ता भवति । घाणामएणं दुक्खेणं असंजोएत्ता भवति। जिब्भामातो सोक्खातो अववरोवेत्ता भवति। जिब्भामएणं दुक्खेणं असंजोएत्ता भवति ° । फासामातो सोक्खातो अववरोवेत्ता भवति । फासामएणं दवखेणं असंजोगेत्ता भवति ॥ चरिदिया णं जीवा समारभमाणस्स अटुविधे असंजमे कज्जति, तं जहा--- चक्खमातो सोक्खातो ववरोवेत्ता भवति । चक्खुमएणं दुक्खेणं संजोगेत्ता भवति । "घाणामातो सोक्खाओ ववरोवेत्ता भवति । घाणामएणं दुक्खेणं संजोगेत्ता भवति । जिन्भामातो सोक्खातो ववरोवेत्ता भवति, जिब्भामएणं दुक्खेणं संजोगेत्ता भवति ° । फासामातो सोक्खातो ववरोवेत्ता भवति। फासामएणं दुक्खेणं संजोगेत्ता भवति ॥
१. सूती (ख, ग); सती (क्व)1 २. कण्हराती (क, ख, ग)।
३. सं० पा०--एवं जाव फासामातो। ४. सं० पा०—एवं जाव फासामातो।
Jain Education International
For Private & Personal Use Only
www.jainelibrary.org
