________________
सत्तमं ठाणं
७५५
१४७. अस्सिणियादिया णं सत्त णक्खत्ता दाहिणदारिया पण्णत्ता, तं जहा-अस्सिणी,
भरणी, कित्तिया', रोहिणी, मिगसिरे', अद्दा, पुणव्वसू ।। १४८. पुस्सादिया णं सत्त णक्खत्ता अवरदारिया पण्णता, तं जहा ---पुस्सो, असिलेसा,
मॅघा, पुवाफग्गुणी, उत्तराफग्गुणी, हत्थो, चित्ता ।।। १४६. सातियाइया णं सत्त णक्खत्ता उत्तरदारिया पण्णत्ता, तं जहा-साती, विसाहा,
अणुराहा, जेट्ठा, मूलो, पुव्वासाढा, उत्तरासाढा ।। कूड-पदं १५०. जंबुद्दीवे दीवे सोमणसे वक्खारपव्वते सत्त कूडा पण्णता, तं जहा-- संगहणी-गाहा
सिद्धे सोमणसे या', बोद्धन्ने" मंगलावतीकूडे ।
देवकुरु विमल कंचण, विसिट्टकडे य' बोद्धव्वे ॥१॥ १५१. जंबुद्दीवे दीवे गंधमायणे वक्खारपवते सत्त कडा पण्णत्ता, तं जहा
सिद्धे य गंधमायण, बोद्धव्वे गंधिलावतीकूडे ।
उत्तरकुरु फलिहे, लोहितने आणंदणे चेव ॥१|| कुलकोडी-पदं १५२. विइंदियाणं सत्त जाति-कुलकोडि-जोणीपमुह-सयसहस्सा पण्णत्ता । पावकम्म-पदं १५३. जीवा णं सत्तट्ठाणणिव्वत्तिते पोग्गले पावकम्मत्ताए चिणिसु वा चिणंति वा
चिणिस्संति वा, तं जहा—णेरइयनिव्वत्तिते", "तिरिक्खजोणियणिव्वत्तिते, तिरिक्खजोणिणीणिव्वत्तिते, मणुस्सणिव्वत्तिते, मणुस्सीणिव्वत्तिते, देवणिव्वत्तिते देवीणिव्वत्तिते ।
एवं-चिण- उवचिण-बंध-उदीर-वेद तह • णिज्जरा चेव ।। पोग्गल-पदं १५४. सत्तपएसिया खंधा अणंता पण्णता ।। १५५. सत्तपएसोगाढा पोग्गला जाव" सत्तगुणलुक्खा पोग्गला अणंता पण्णत्ता ।।
१. अस्सणितादिता (क, ख, ग)। २. कित्तिता (क, ख, ग) । ३. मिगसिरं (ख)। ४. अस्सिलेसा (क, ग)। ५. पुव्व ° (क, ग)। ६. ता (क, ख, ग); तह (क्व) । ७. बोधव्वे (क, ख, ग)। ८. त (क, ख, ग)।
६. त (क, ख, ग)। १०. बितिदिताणं (क, ख, ग)। ११. जाती (क, ख, ग)। १२. स. पाल-रतियणिबत्तिते जाव देव
णिव्वत्तिते। १३. स. पा० .-चिण जाव णिज्जरा। १४. ठा० १४२५४-२५६ ।
Jain Education International
For Private & Personal Use Only
www.jainelibrary.org
