________________
सत्तमं ठाणं
गणावक्कमण-पदं
सत्तविहे गणावक्कमणे पण्णत्ते, तं जहा–'सव्वधम्मा रोएमि"। एगइया रोएमि एगइया णो रोएमि । सव्वधम्मा वितिगिच्छामि । एगइया वितिगिच्छामि एगइया णो वितिगिच्छामि । सव्वधम्मा जुहुणामि । एगइया जुहुणामि एगइया णो जुहुणामि। इच्छामि णं भंते ! एगल्लविहारपडिम उवसंपिज्जत्ता णं
विहरित्तए॥ विभंगणाण-पदं २. सत्तविहे विभंगणाणे पण्णत्ते, तं जहा-एगदिसिं लोगाभिगमे, पंचदिसि
लोगाभिगमे, किरियावरणे जीवे, मुदग्गे जीवे, अमुदग्गे जीवे, रूवी जीवे, सव्वमिणं जीवा। तत्थ खलु इमे पढमे विभंगणाणे—जया णं तहारूवस्स समणस्स वा माहणस्स वा विभंगणाणे समुप्पज्जति । से गं तेणं विभंगणाणेणं समुप्पण्णेणं पासति पाईणं वा पडिणं वा दाहिणं वा उदोणं वा उड्ढे वा जाव सोहम्मे कप्पे । तस्स णं एवं भवति - अस्थि णं मम अतिसेसे पाणदसणे समुप्पण्णे-एगदिसिं' लोगाभिगमे। संतेगइया समणा वा माहणा वा एवमाहंस-पंचदिसिं लोगाभिगमे । जे ते एवमाहंसु, मिच्छं ते एवमाहंसु-पढमे विभंगणाणे ।। अहावरे दोच्चे विभंगणाणे-जया ण तहारूवस्स समणस्स वा माहणस्स वा विभंगणाणे समुप्पज्जति । से णं तेणं विभंगणाणेणं समुप्पण्णेणं पासति पाईणं वा' पडिणं वा दाहिणं वा उदीणं वा उड्ढं वा जाव सोहम्मे कप्पे । तस्स णं
एवं भवति-अत्थि णं मम अतिसेसे णाणदंसणे समुप्पण्णे-पंचदिसिं १. सव्वधम्म जाणामि एवं पि एगे अवक्कमे २. एगदिसि (क, ग); एगदिसं (वृ)। (वृपा)।
३. क्वचिद्वाशब्दा न दृश्यन्ते (वृ)।
Jain Education International
For Private & Personal Use Only
www.jainelibrary.org
