________________
७१०
ठाणं
हिस्साट्ठाण-पदं १९२. धम्मण्णं चरमाणस्स पंच णिस्साट्ठाणा पण्णत्ता, तं जहा-छक्काया, गणे, राया',
गाहावती, सरीरं ।। णिहि-पदं १९३. पंच णिहि पण्णत्ता, तं जहा—पुत्तणिही, मित्तणिही, सिप्पणिही, धणणिही,
धण्णणिही ।। सोच-पदं १६४. पंचविहे सोए' पण्णत्ते, तं जहा–पुढविसोए, आउसोए, तेउसोए, मंतसोए,
बंभसोए॥ छउमत्थ-केवलि-पद १६५. पंच ठाणाई छउमत्थे सव्वभावेणं ण जाणति ण पासति, तं जहा-धम्मत्थिकायं,
अधम्मत्थिकायं, आगासत्थिकाय, जीवं असरीरपडिबद्धं, परमाणुपोग्गलं । एयाणि चेव उप्पण्णणाणदंसणधरे अरहा जिणे केवली सव्वभावेणं जाणति पासति, तं जहा-धम्मत्थिकायं', 'अधम्मत्थिकायं, आगासत्थिकायं, जीवं
असरीरपडिबद्धं°, परमाणुपोग्गल ।। महाणिरय-पदं १६६. अधेलोगे णं पंच अणुत्तरा महतिमहालया महागिरया पण्णत्ता, तं जहा-काले,
महाकाले, रोरुए, महारोरुए, अप्पतिट्ठाणे ॥ महाविमाण-पदं १६७. उड्डलोगे णं पंच अणुत्तरा महतिमहालया महाविमाणा पण्णता, तं जहा--विजये,
वेजयंते, जयंते, अपराजिते, सव्वट्ठसिद्धे ।। सत्त-पदं १९८. पंच पुरिसजाया पण्णत्ता, तं जहा–हिरिसत्ते, हिरिमणसत्ते, चलसत्ते, थिरसत्ते,
उदयणसत्ते ॥ भिक्खाग-पदं १६६. पंच मच्छा पण्णत्ता, तं जहा-अणुसोतचारी, पडिसोतचारी, अंतचारी, मज्झ
चारी, सव्वचारी।
१. राता (क, ख, ग)। २. सोते (क, ख, ग)।
३. सं० पा०-धम्मत्थिकात जाव परमाणु
पोग्गलं।
Jain Education International
For Private & Personal Use Only
www.jainelibrary.org
