Page Text
________________
ठाणं
७४.
५. ममं च णं सम्म सहमाणस्स' 'खममाणस्स तितिक्खमाणस्स ° अहियासेमाणस्स कि मण्णे कज्जति ? पगंतसो मे णिज्जरा कज्जति । इच्चेतेहिं पंचहि ठाणेहि छउमत्थे उदिण्णे परिसहोवसग्गे सम्म सहेज्जा 'खमेज्जा तितिक्खेज्जा अहियासेज्जा। पंचहि ठाणेहि केवलो उदिण्णे परिसहोवसगे सम्म सहेज्जा' खमेज्जा तितिक्वेज्जा अहियासेज्जा, तं जहा१. खित्तचित्ते खलु अयं पुरिसे । तेण मे एस पुरिसे अक्कोसति वा "अवहसति वा णिच्छोडेति वा णिभंछेति वा बंधेति वा रुंभति वा छविच्छेदं करेति वा, पमारं वा णेति, उद्दवेइ वा, वत्थं वा पडिग्गहं वा कंबलं वा पायछणमच्छिदति वा विच्छिदति वा भिंदति वा अवहरति वा ।। २. दित्तचित्ते खलु अयं पुरिसे । तेण मे एस पुरिसे' 'अक्कोसति वा अवहसति वा णिच्छोडेति वा णिभंछेति वा बंधेति वा रुंभति वा छविच्छेदं करेति वा, पमारं वा णेति, उद्दवेइ वा, वत्थं वा पडिग्गहं वा कंबलं वा पायपुंछणमच्छिदति बा विच्छिदति वा भिंदति वा अवहरति वा। ३. जक्खाइट्टे खलु अयं पुरिसे । तेण मे एस पुरिसे 'अक्कोसति वा अवहसति वा णिच्छोडेति वा णिभंछेति वा बंधेति वा रुभति वा छविच्छेदं करेति वा, पमारं वा णेति, उद्दवेइ वा, वत्थं वा पडिग्गहं वा कंबलं वा पायपुंछणमच्छिदति वा विच्छिदति वा भिदति वा अवहरति वा। ४. ममं च णं तब्भववेयणिज्जे कम्मे उदिण्णे भवति । तेण मे एस पुरिसे 'अक्कोसति वा अवहसति वा णिच्छोडेति वा णिभंछेति वा बंधेति वा रु भति वा छविच्छेदं करेति वा, पमार वा ति, उद्दवेइ वा, वत्थं वा पडिग्गहं वा कंबलं वा पायपछणमच्छिदति वा विच्छिदति वा भिदति वा अवहरति वा । ५. ममं च णं सहमाणं खममाणं तितिक्खमाण अहियासेमाणं पासेत्ता वहवे अण्णे छउमत्था समणा णिग्गंथा उदिग्णे-उदिण्णे परीसहोवसग्गे एवं सम्म सहिस्संति 'खमिस्संति तितिक्खिस्संति अहियासिस्संति । इच्चेतेहि पंचहि ठाणेहि केवली उदिण्णे परीसहोवसग्गे सम्मं सहेज्जा खमेज्जा तितिक्खेज्जा अहियासेज्जा ।।
१. सं० पा०-सहमाणस्स जाब अहियासे- ६,७,८. सं० पा०-पुरिसे जाव अवहरति । माणस्स।
६. तितिक्माणं (क, ग)। २,३. सं० पा...- सहेज्जा जाव अहियासेज्जा। १०. सं० पा०–सहिस्संति जाव अहियासिस्सति । ४. अतं (क, ख, ग)।
११. सं० पा०-सहेज्जा जाव अहियासेज्जा। ५. सं० पा० --तहेव जाव अवहरति ।
Jain Education International
For Private & Personal Use Only
www.jainelibrary.org
| SR No. | 003559 |
| Book Title | Agam 03 Ang 03 Sthanang Sutra Thanam Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 472 |
| Language | Prakrit |
| Classification | Book_Devnagari, Agam, Canon, & agam_sthanang |
| File Size | 8 MB |