________________
६८८
ठाणं
णिसिज्जा-पदं ५०. पंच णिसिज्जाओ पण्णत्ताओ, तं जहा–उक्कुडुया', गोदोहिया, समपायपुता,
पलियंका, अद्धपलियंका। अज्जवट्ठाण-पदं ५१. पंच अज्जवट्ठाणा पण्णत्ता, तं जहा-साधुअज्जवं, साधुमद्दवं, साधुलाघवं,
___साधुखंति, साधुमुत्ती ।। जोइसिय-पदं ५२. पंचविहा जोइसिया पण्णत्ता, तं जहा-चंदा, सूरा, गहा, णक्खत्ता, ताराओ॥ देव-पदं ५३. पंचविहा देवा पण्णत्ता, तं जहा-भवियदव्वदेवा', शरदेवा, धम्मदेवा, देवाति
देवा, भावदेवा ।। परिचारणा-पदं ५४. पंचविहा परियारणा" पण्णत्ता, तं जहा-कायपरियारणा', फासपरियारणा,
रूवपरियारणा, सद्दपरियारणा, मणपरियारणा ।। अग्गम हिसी-पदं ५५. चमरस्स णं असुरिंदस्स असुरकुमाररणो पंच अगमहिसीओ पण्णत्ताओ,
तं जहा-काली, राती, रयणी', विज्जू, मेहा ॥ ५६. बलिस्स णं वइरोयणिदस्स वइरोयणरण्णो पंच अग्गमहिसीओ पण्णत्ताओ,
___ 'तं जहा-सुभा, णिसुंभा, रंभा, णिरंभा, मदणा ।। अणिय-अणियाहिवइ-पदं ५७. चमरस्स गं असुरिंदस्स असुरकुमाररण्णो पंच संगामिया अणिया, पंच संगा
मिया अणियाधिवती पण्णत्ता, तं जहा-पायत्ताणिए, पीढाणिए, कुंजराणिए, महिसाणिए, रहाणिए।
१. उक्कडतो (क); उक्कडुती (ग)। २. पुलितंका (क, ग); पलितंका (ख)। ३. अद्धपलितका (क, ख, ग)। ४. भवित (क, ख, ग)। ५. परितारणा (क, ख, ग)।
६. कात ° (क, ख, ग)। ७. रतणी (क, ख, ग)। ८. वतिरोत (क, ख, ग)। ६. मतणा (क, ख, ग)।
Jain Education International
For Private & Personal Use Only
www.jainelibrary.org
