________________
६८०
ठाणं
एवामेव चत्तारि कसाया पण्णत्ता, तं जहा-खरावत्तसमाणे कोहे', उण्णतावत्तसमाणे माणे, गूढावत्तसमाणा माया, आमिसावत्तसमाणे लोभे! १. खरावत्तसमाणं कोहं अणुपविढे जीवे कालं करेति, गैरइएसु उववज्जति । २. "उण्णतावत्तसमाणं माणं अणुपविट्ठ जीवे कालं करेति, णेरइएसु उववज्जति । ३. गूढावत्तसमाणं मायं अणुपविढे जीवे कालं करेति, रइएसु उववज्जति ।
४. आमिसावत्तसमाणं लोभमणुपविट्ठ जीवे कालं करेति, णेरइएसु उववज्जति ॥ णक्खत्त-पदं ६५४. अणुराहाणक्खत्ते चउत्तारे पण्णत्ते ।। ६५५. पुव्वासाढाणक्खत्ते चउत्तारे पग्णत्ते ॥ ६५६. उत्तरासाढा णक्खत्ते चउत्तारे पण्णत्ते ॥ पावकम्म-पदं ६५७. जीवाणं च उट्ठाणणिव्वत्तिते पोग्गले पावकम्मत्ताए चिणिसु वा चिणंति वा
चिणिस्संति वा--रइयणिवत्तिते, तिरिक्खजोणियणिव्वत्तिते, मणुस्स
णिन्वत्तिते, देवणिव्वत्तिते ॥ ६५८. एव'--उवचिणिसु वा उवचिणंति वा उवचिणिस्संति वा ।
एवं --चिण-उवचिण-बंध-उदीर-वेय तह णिज्जरा चेव ।। पोग्गल-पदं ६५६. चउपदेसिया खंधा अणंता पण्णत्ता ।। ६६०. चउपदेसोगाढा पोग्गला अणता पण्णत्ता ।। ६६१. चउसमय द्वितीया पोग्गला अणंता पण्णत्ता ।। ६६२. चउगुणकालगा पोग्गला अणंता जाव चउगुणलुक्खा पोग्गला अणंता पण्णत्ता ।।
१. कोवे (क, ग)। २. सं० पा०-उण्णत्तावत्तसमाणं माण एवं
चेव गूढावत्तसमाणं मातमेवं चेव। ३. पूवासाढे (क, ग); सं० पा०--पुवासाढा
एवं चेव।
४. उत्तरासाढे (क, ग); सं० पा०--उत्तरासादा
एवं चेव । ५. ठा० ४१६५७ ६. ठा० ११२५६ ।
Jain Education International
For Private & Personal Use Only
www.jainelibrary.org
