________________
६७४
ठाणं
कम्म-पदं ६०२. चउन्विहे कम्मे पण्णत्ते, तं जहा--सुभे णाममेगे सुभे, सुभे णाममेगे असुभे,
असुभे णाममेगे सुभे, असुभे णाममेगे असुभे ॥ ६०३. चउविहे कम्मे पण्णत्ते, तं जहा–सुभे णाममेगे सुभविवागे, सुभे णाममेगे
असुभविवागे, असुभे णाममेगे सुभविवागे, असुभे णाम मेगे असुभविवागे। ६०४. चउविहे कम्मे पण्णत्ते, तं जहा--पगडीकम्मे, ठितीकम्मे, अणुभावकम्मे,
पदेसकम्मे ॥ संघ-पदं ६०५. चउविहे संघे पण्णत्ते, तं जहा-समणा, समणीओ, सावगा, सावियाओ । बुद्धि -पदं ६०६. चउव्विहा बुद्धी पण्णत्ता, तं जहा---उप्पत्तिया, वेणइया, कम्मिया, परिणामिया ॥ मइ-पदं ६०७. चउव्विहा मई पण्णत्ता, तं जहा–उग्गहमती, ईहामती, अवायमती,
धारणामती। अहवा---चउव्विहा मती पण्णत्ता, तं जहा–अरंजरोदगसमाणा, वियरोदगसमाणा, सरोदगसमाणा, सागरोदगसमाणा।।
जीव-पदं ६०८, चउन्विहा संसारसमावण्णगा जीवा पण्णत्ता, तं जहा-णेरइया तिरिक्ख
जोणिया, मणुस्सा, देवा ।। चउव्विहा सव्वजीवा पण्णत्ता, तं जहा--मणजोगी, वइजोगी, कायजोगी, अजोगी। अहवा–चउव्विहा सव्वजीवा पण्णत्ता, तं जहा--इत्थिवेयगा, पुरिसवेयगा, णपुंसकवेयगा, अवेयगा ! अहवा-चउव्विहा सव्वजीवा पण्णत्ता, तं जहा-चक्खुदंसणी, अचक्खुदंसणी, ओहिदसणी, केवलदसणी। अहवा–चउव्विहा सव्वजीवा पण्णत्ता, तं जहा--संजया, असंजया, संजयासंजया, णोसंजया गोअसंजया ।।
मित्त-अमित्त-पदं
६१०. चत्तारि पुरिसजाया पण्णत्ता, तं जहा--मित्ते णाममेगे मित्ते, मित्ते णाममेगे
अमित्ते. अमित्ते णाममेगे मित्ते, अमित्ते णाममेगे अमित्त ।।
Jain Education International
For Private & Personal Use Only
www.jainelibrary.org
