________________
चउत्थं ठाणं (उत्थो उद्देसो)
काम-पदं
५८३. चउव्विहा कामा पण्णत्ता, तं जहा - सिंगारा, कलुगा, बीभच्छा, रोद्दा । सिंगारा कामा देवाणं, कलुणा कामा मणुयाणं, बीभच्छा कामा तिरिक्खजोणियाण, रोद्दाकामा रइयाणं ॥
उत्तान गंभीर-पदं
५८४. चत्तारि उदगा पण्णत्ता, तं जहा - उत्ताणे णाममेगे उत्ताणोदए, उत्ताणे णाममेगे गंभीरोदए, गंभीरे णाममेगे उत्ताणोदए, गंभीरे णाममेगे गंभीरोदए । एवामेव चत्तारि पुरिसजाया पण्णत्ता, तं जहा - उत्ताणे णाममेगे उत्ताणहिदए, उत्ताणे णाममेगे गंभीरहिदए, गंभीरे णाममेगे उत्ताणहिदए, गंभीरे णाममेगे गंभीरहिए ||
५८५. चत्तारि उदगा पण्णत्ता, तं जहा — उत्ताणे णाममेगे उत्ताणोभासी, उत्ताणे णाममेगे गंभीरोभासी, गंभीरे णाममंगे उत्ताणोभासी, गंभीरे णाममेगे गंभीरोभासी ।
६७१
एवामेव चत्तारि पुरिसजाया पण्णत्ता, तं जहा - उत्ताणे णाममेगे उत्ताणोभासी, उत्ताणे णाममेंगे गंभीरोभासी, गंभीरे णाममेगे उत्ताणोभासी, गंभीरे णाममेगे गंभीरोभासी ॥
५८६. चत्तारि उदही पण्णत्ता, तं जहा- उत्ताणे णाममेगे उत्ताणोदही, उत्ताणे णाममेगे गंभीरोदही, गंभीरे णाममेगे उत्ताणोदही, गंभीरे णाममेगे गंभीरोदही । एवामेव चत्तारि पुरिसजाया पण्णत्ता, तं जहा - उत्ताणे णाममेगे उत्ताणहियए, उत्ताने णाममेगे गंभीरहियए, गंभीरे णाममेगे उत्ताणहियए, गंभीरे णाममंगे गंभीरहिए ॥
५८७. चत्तारि उदही पण्णत्ता, तं जहा - उत्ताणे णाममेगे उत्ताणोभासी, उत्ताणे णाममेगे गंभीरोभासी, गंभीरे णाममेगे उत्ताणोभासी, गंभीरे णाममेगे गंभीरोभासी ।
एवामेव चत्तारि पुरिसजाया पण्णत्ता, तं जहा - उत्ताणे णाममेगे उत्ताणोभासी, उत्ताणे णाममेगे गंभीरोभासी, गंभीरे णाममेगे उत्ताणोभासी, गंभीरे णाममंगे गंभीरोभासी ॥
Jain Education International
तरग-पदं
५८८. चत्तारि तरगा पण्णत्ता, तं जहा - समुद्दं तरामीतेगे समुद्दं तरति, समुद्दं तरामीतेगे गोप्यं' तरति गोप्यं तरामीतेगे समुद्दं तरति गोप्पयं तरामीतेगे गोप्पयं तरति ॥
१. गोप्पतं ( क, ख, ग ) सर्वत्र
For Private & Personal Use Only
www.jainelibrary.org
