________________
६४८
ठाण
३. ओमरातिणिया समणी णिग्गंथी महाकम्मा महाकिरिया अणायावी असमिता धम्मस्स अणाराधिया भवति ।
४. ओमरातिणिया समणी णिग्गंथी अप्पकम्मा अपकिरिया आतावी समिता धम्मस्स राहिया भवति ॥
o
महाकम्म- अध्पकम्म- समणो वासग-पदं
४२८. चत्तारि समणोवासगा पण्णत्ता, तं जहा
१. राइणिए समणोवासए महाकम्मे "महाकिरिए अणायावी असमिते धम्मस्स अपराध भवति ।
२. राइणिए समणोवासए अप्पकम्मे अप्पकिरिए आतावी समिए धम्मस्स आराहए भवति ।
३. ओमराइणिए समणोवासए महाकम्मे महाकिरिए अणातावी असमिते धम्मस्स अणाराहए भवति ।
४. ओमराइणिए समणोवासए अप्पकम्मे अप्प किरिए आतावी समिते धम्मस्स आराहए भवति ॥
o
महाकम्म- अप्पकम्म- समणोवासिया-पदं
४२६. चत्तारि समणोवासियाओ पण्णत्ताओ, तं जहा
Jain Education International
१. राइणिया समणोवासिता महाकम्मा "महाकिरिया अणायावी असमिता धम्मस्स अणाराधिया भवति ।
२. राइणिया समणोवासिता अप्पकम्मा अप्पकिरिया आतावी समिता धम्मस्स आराहिया भवति ।
३. ओमराइणिया समणोवासिता महाकम्मा महाकिरिया अणायावी असमिता धम्मस्स अणाराधिया भवति ।
४. ओमराइणिया समणोवासिता अप्पकम्मा अप्पकिरिया आतावी समिता धम्मस आराहिया भवति ॥
0
समणो वासग पर्द
४३०. चत्तारि समणोवासगा पण्णत्ता, तं जहा - अम्मापितिसमाणे, भातिसमाणे, मित्तसमाणे, सवत्तिसमाणे ||
४३१. चत्तारि समणोवासगा पण्णत्ता, तं जहा --अद्दागसमाणे, पडागसमाणे, खाणुसमाणे, खरकटयसमाणे ॥
१. सं० पा० तहेव ।
२. रायणिता (क) 1
३. सं० पा०—तहेब चत्तारि गमा । ४. वरण्टसमाणे (वृपा ) 1
For Private & Personal Use Only
www.jainelibrary.org
