________________
उत्थं ठाणं (पढमो उद्देसो)
देव- ठिति-पदं
१२८. सक्क्स्स णं देविंदस्स देवरण्णो मज्झिमपरिसाए देवाणं चत्तारि पलिओ माई ठिती पण्णत्ता ||
१२६. ईसाणस्स णं देविंदस्स देवरण्णो मज्झिमपरिसाए देवीणं चत्तारि पलिओ माई ठिती पण्णत्ता ॥
संसार - पदं
१३०. चउव्वि ससारे पण्णत्ते, तं जहा दव्वसंसारे, खेत्तसंसारे, कालसंसारे, भावसंसारे ॥
दिवाय-पदं
१३१. चउव्विहे दिट्टिवाए पण्णत्ते, तं जहा - परिकम्मं', सुत्ताई, पुव्वगए, अणुजोगे || पायच्छित्त-पदं
१३२. चउव्विहे पायच्छित्ते पण्णत्ते, तं जहा -- णाणपायच्छित्ते, दंसणपायच्छित्ते, चरित्तपायच्छित्ते, वियत्तकिच्च पायच्छिते ॥
१३३. चउव्विहे पायच्छित्ते पण्णत्ते, तं जहा - पडिसेवणापायच्छित्ते, संजोयणापायच्छिते, आरोवणापायच्छित्ते, पलिउंचणापायच्छित्ते ॥
काल-पदं
१३४. चउव्विहे काले पण्णत्ते, तं जहा - प्रमाणकाले, अहाउयनिव्वत्तिकाले, मरणकाले, अद्धाकाले ॥
पोग्गल - परिणाम-पदं
१३५. चउव्विहे पोग्गलपरिणामे पण्णत्ते, तं जहा वण्णपरिणामे, गंधपरिणामे, रसपरिणामे, फासपरिणामे ||
६०६
चाउज्जाम-पदं
१३६. भरहेरवएसु णं वासेसु पुरिम-पच्छिम वज्जा मज्झिमगा बावीसं अरहंता भगवंतो चाउज्जामं धम्मं पण्णवयंति, तं जहा - सव्वाओ पाणातिवायाओ वेरमणं, सव्वाओ मुसावायाओ वेरमणं, सब्बाओ अदिण्णादाणाओ वेरमणं, सव्वा बहिद्धादाणाओ वेरमणं ॥
१३७. सव्वेसु णं महाविदेहेसु अरहंता भगवंतो चाउज्जामं धम्मं पण्णवयंति, तं जहा -- सव्वाओ पाणातिवायाओ वेरमणं', 'सव्वाओ मुसावायाओ वेरमणं, सव्वाओ अदिण्णादाणाओ वेरमणं, सव्वाओ बहिद्धादाणाओ वेरमणं 11
३. सं० पा० - वेरमणं जाव सव्वातो ।
१ परिक्कम ( क ग ) |
२. नियत्त (वृपा) ।
Jain Education International
o
For Private & Personal Use Only
www.jainelibrary.org
