________________
च उत्थं ठाणं (पढमो उद्देसो)
६०५
६३. "जीवा णं चउहि ठाणेहि अट्टकम्मपगडीओ चिणंति, तं जहा–कोहेणं, माणेणं,
मायाए, लोभेणं । एवं जाव' वेमाणियाणं ।। ६४. जीवा णं च उहि ठाणेहिं अट्ठकम्मपगडीओ चिणिस्संति, तं जहा---कोहेणं,
माणेणं, मायाए, लोभेणं । एवं जाब' वेमाणियाणं ।। ६५. एवं-उवचिणिसु उचिणंति उवचिणिस्संति, बंधिसु बंधंति बंधिस्संति, उदीरिंसु
उदीरिति उदीरिस्संति, वेदेसु देदेति वेदिस्संति, णिज्जरेसु णिज्जरेंति
णिज्जरिस्संति जाव वेमाणियाणं' ।। पडिमा-पदं ६६. चत्तारि पडिमाओ पण्णत्ताओ, तं जहा-समाहिपडिमा, उवहाणपडिमा, विवेग
पडिमा, विउस्सग्गपडिमा ।। ६७. चत्तारि पडिमाओ पण्णत्ताओ, तं जहा-भद्दा, सुभद्दा, महाभद्दा, सव्वतोभद्दा ।। १८. चत्तारि पडिमाओ पण्णत्ताओ, तं जहा--खुड्डिया मोयपडिमा, मल्लिया मोय
पडिमा, जवमझा, वइरमज्झा । अस्थिकाय-पदं ६६. चत्तारि अत्थिकाया अजोवकाया पण्णत्ता, तं जहा--धम्मत्थिकाए, अधम्मत्थि
काए, आगासत्थिकाए, पोग्गलत्थिकाए । १००. चत्तारि अत्थिकाया अरूविकाया पणत्ता, तं जहा-धम्मत्थिकाए, अधम्मत्थि
काए, आगासत्थिकाए, जीवत्थिकाए । आम-पक्क-पदं १०१. चत्तारि फला पण्णत्ता, तं जहा-आमे णाममेगे आममहुरे, आमे णाममेगे
पक्कमहुरे, पक्के णाममेगे आममहुरे, पक्के णाममेगे पक्कमहरे। एवामेव चत्तारि पुरिसजाया पण्णत्ता, तं जहा-आमे णाममेगे आममहुरफलसमाणे, आमे णाममेगे पक्कमहुरफलसमाणे, पक्के णाममेगे आममहुरफलसमाणे,
पक्के णाममेगे पक्कमहुरफलसमाणे ! सच्च-मोस-पदं १०२. चउव्विहे सच्चे पण्णत्ते, तं जहा--काउज्जुयया, भासुज्जुयया, भावुज्जुयया,
अविसंवायणाजोगे।
१. सं० पा०---एवं चिणंति एस दडओ एवं" ३,४. ठा० १११४१-१६३ । एवमेतेणं तिणिण दंडगा।
५. वेमाणियाणं एवमेक्के क्के पदे तिणि दंडगा २. ठा० ११४१-१६३ ।
भाणियव्वा जाव णिज्जरिस्संति (क,ख,ग )।
Jain Education International
For Private & Personal Use Only
www.jainelibrary.org
