________________
चउत्थं ठाणं
पढमो उद्देसो अंतकिरिया-पदं १. चत्तारि अंतकिरियाओ पण्णत्ताओ, तं जहा
१. तत्थ खलु इमा पढमा अंतकिरिया-अप्पकम्मपच्चायाते यावि भवति । से णं मुंडे भवित्ता अगाराओ अणगारियं पव्वइए संजमबहुले संवरबहुले समाहिबहले लहे तीरट्टी उवहाणवं दुक्खक्खवे तवस्सी। तस्स गंणो तहप्पगारे तवे भवति, णो तहप्पगारा वेयणा भवति । तहप्पगारे पुरिसज्जाते दीहेणं परियारण सिज्झति बुज्झति मुच्चति परिणिध्वाति सव्वदुक्खाणमंतं करेइ, जहा--से भरहे राया चाउरंतचक्कवट्टी -पढमा अंतकिरिया । २. अहावरा दोच्चा अंतकिरिया--महाकम्मपच्चायाते यावि भवति । से णं मुंडे भवित्ता अगाराओ अणगारियं पव्वइए संजमबहुले संवरबहुले' 'समाहिबहुले लहे तीरट्टी° उवहाणवं दुक्खक्खवे तवस्सी। तस्स णं तहप्पगारे तवे भवति, तहप्पगारा वेयणा भवति । तहप्पगारे पुरिसजाते णिरुद्धणं परियाएणं सिज्झति' 'बुज्झति मुच्चति परिणिव्वाति सव्वदुक्खाण ° मंतं करेति, जहासे गयसूमाले अणगारे-दोच्चा अंतकिरिया । ३. अहावरा तच्चा अंतकिरिया--महाकम्मपच्चायाते यावि भवति । से ण मुंडे भवित्ता अगाराओ अणगारियं पव्वइए "संजमबहुले संवरबहुले समाहिबहुले लूहे तीरट्ठी उवहाणवं दुक्खक्खवे तवस्सी । तस्स णं तहप्पगारे तवे भवति,
१. परितातेणं (क, ग)। २. सं० पा०-संवरबहले जाव उवहाणवं । ३. विरुद्वेणं (क)। ४. सं० पा०-सिज्झति जाव मतं ।
५. गतसुकुमाले (ख)। ६, सं० पा०--जहा दोच्चा णवरं दोहेणं परि
तातेण।
५६४
Jain Education International
For Private & Personal Use Only
www.jainelibrary.org
