________________
५८७
तइयं ठाणं (चउत्थो उद्देसो) ४८६. पुढविकाइयाणं तओ सरीरगा पण्णत्ता, तं जहा-ओरालिए, तेयए, कम्मए ।। ४८७. एवं-वाउकाइयवज्जाणं जाव' चरिदिया। पडिणीय-पदं ४८८. गुरुं पडुच्च तओ पडिणीयापण्णता, तं जहा-आयरियपडिणोए, उवज्झाय
पडिणीए, थेरपडिणीए॥ ४८६. गति पडुच्च तओ पडिणीया पण्णत्ता, तं जहा–इहलोगपडिणीए, परलोग
पडिणीए, दुहओलोगपडिणीए । ४६०. समूहं पडुच्च तओ पडिणोया पण्णत्ता, तं जहा–कुलपडिणीए, गणपडिणीए,
संघपडिणीए । ४६१. अणुकंपं पडुच्च तओ पडिणीया पण्णत्ता, तं जहा-तवस्सिपडिणीए,
गिलाणपडिणीए, सेहपडिणीए । ४६२. भावं पडुच्च तओ पडिणीया पण्णत्ता, तं जहा—णाणपडिणीए, दसणपडिणीए,
चरित्तपडिणीए॥ ४६३. सुयं पडुच्च तओ पडिणीया पण्णत्ता, तं जहा-सुत्तपडिणीए, अत्थपडिणीए,
तदुभयपडिणीए॥ अंग-पदं ४६४. तओ पितियंगा पण्णत्ता, तं जहा-अट्ठी, अट्ठिमिजा, केसमंसुरोमणहे। ४६५. तओ माउयंगा पण्णत्ता, तं जहा—मसे, सोणिते, मत्थुलिंगे। मणोरह-पदं ४६६. तिहिं ठाणेहि समणे णिग्गंथे महाणिज्जरे महापज्जवसाणे भवति, तं जहा
१. कया णं अहं अप्पं वा बहुयं वा सुयं अहिज्जिस्सामि ? २. कथा णं अहं एकल्लविहारपडिम उवसंपज्जित्ता णं विहरिस्सामि ? ३. कया णं अहं अपच्छिममारणंतियसंलेहणा-झूसणा-झूसिते भत्तपाणपडियाइक्खिते पाओवगते कालं अणवकंखमाणे विहरिस्सामि? एवं समणसा सवयसा सकायसा पागडेमाणे' समणे निग्गंथे महाणिज्जरे
महापज्जवसाणे भवति ।। ४६७. तिहिं ठाणेहिं समणोवासए" महाणिज्जरे महापज्जवसाणे भवति, तं जहा
१. कया णं अहं अप्पं वा बहुयं वा परिग्गहं परिचइस्सामि?
१. ठा० १११५३, १५४, १५६-१५६ । २. पडिणीता (क, ख, ग)। ३. पहारेमाणे (वृ); पागडेमाणे (वृपा)।
४. X (क)। ५. सम्णोवासते (क, ख, म)।
Jain Education International
For Private & Personal Use Only
www.jainelibrary.org
