________________
तइयं ठाणं (चउत्थो उद्देसो)
५५३ ४५२. जंबुद्दीवे दीवे मंदरस्स पव्वयस्स उत्तरे णं तओ वासा पण्णत्ता तं जहा
रम्मगवासे, हेरण्णवते, एरवए । वासहरपव्यय-पदं ४५३. जंबुद्दीवे दीवे मदरस्स पव्वयस्स दाहिणे णं तओ वासहरपव्वता पण्णत्ता,
तं जहा---चुल्लहिमवंते, महाहिमवंते, णिसढे । ४५४. जंबुद्दीवे दीवे मंदरस्स पव्वयस्स उत्तरे णं तओ वासहरपब्वत्ता पण्णत्ता,
तं जहा----णीलवंते, रुप्पी, सिहरी ॥ महादह-पदं ४५५. जंबुद्दीवे दीवे मंदरस्स पव्वयस्स दाहिणे ण तओ महादहा पण्णत्ता, तं जहा
पउमदहे, महापउमदहे, तिगिछदहे। तत्थ णं तओ देवताओ महिड्डियाओ जाव' पलिओवमद्वितीयाओ परिवसंति,
तं जहा-सिरी, हिरी, धिती।। ४५६. एवं-उत्तरे णवि, नवरं-केसरिदहे, महापोंडरीयदहे, पोंडरीयदहे।
देवताओ-कित्ती, बुद्धी, लच्छी। णदी-पदं ४५७. जंबुद्दीवे दीवे मंदरस्स पव्वयस्स दाहिणे णं चुल्ल हिमवंताओ वासधरपव्वताओ
पउमदहाओ महादहाओ तओ महाणदीओ पवहंति, तं जहा-गंगा, सिंधू,
रोहितंसा ।। ४५८. जंबुद्दीवे दीवे मंदरस्स पव्वयस्स उत्तरे णं सिहरीओ वासहरपव्वताओ
पोंडरीयद्दहाओ महादहाओ तओ महाणदीओ पवहंति, तं जहा--सुवण्णकूला,
रत्ता, रत्तवतो ।। ४५६. जंबुद्दीवे दीवे मदरस्स पव्वयस्स पुरथिमे णं सीताए महाणदीए उत्तरे णं तओ
अंतरणदीओ पण्णत्ताओ, तं जहा-गाहावती, दहवती, पंकवती॥ ४६०. जंबुद्दीवे दीवे मंदरस्स पन्वयस्स पुरथिमे णं सीताए महाणदीए दाहिणे णं तओ
अंत रणदीओ पण्णत्ताओ, तं जहा--तत्तजला,मत्तजला, उम्मत्तजला ।। ४६१. जंबुद्दीवे दीवे मंदरस्स पव्वयस्स पच्चत्थिमे णं सीतोदाए महाणदीए दाहिणे णं
तओ अंतरणदीओ पण्णत्ताओ, तं जहा-खीरोदा, सीहसोता', अंतोवाहिणी ॥ ४६२. जंबुद्दीवे दीवे मंदरस्स पव्वयस्स पच्चत्थिमे णं सीतोदाए महाणदीए उत्तरे णं
तओ अंतरणदीओ पण्णत्ताओ, तं जहा- उम्मिमालिणी, फेणमालिणी, गंभीरमालिणी॥
३. सीतसोता (क, ग)।
१. तिगिच्छ ° (क); तिगिच्छि ° (ख)। २. ठा० २०७१।
Jain Education International
For Private & Personal Use Only
www.jainelibrary.org
