________________
५७४
ठाण
३६५. तिहि ठाणेहिं देवे चइस्सामित्ति जाणइ, तं जहा–विमाणाभरणाइं णिप्पभाई
पासित्ता, कपरुक्खगं मिलायमाणं पासित्ता, अप्पणो तेयलेस्सं परिहायमाणि जाणित्ता-इच्ने एहिं तिहि ठाणेहिं देवे चइस्सामित्ति जाणइ ।। तिहिं ठाणेहि देवे उव्वेगमागच्छेज्जा, तं जहा१. अहो ! णं मए इमाओ एतारूवाओ दिव्वाओ देविड्डीओ दिवाओ देवजुतीओ दिवाओ देवाणुभावाओ लद्धाओ पत्ताओ अभिसमण्णागताओ चइयव्वं
भविस्सति । २. अहो ! णं मए माउओयं पिउसुक्कं तं तदुभयसंसटुं तप्पढमयाए आहारो
आयारेयव्वो भविस्सति । ३. अहो ! णं मए कलमल-जंबालाए असुईए उन्धेयणियाए' भीमाए गम्भ
वसहीए वसियव्वं भविस्सइ ।
इच्चेए हिं तिहिं ठाणेहि देवे उव्वेगमागच्छेज्जा । विमाण-पदं ३६७. तिसंठिया विमाणा पण्णत्ता, तं जहा–वट्टा, तंसा, चउरसा।
१. तत्थ णं जे ते बट्टा विमाणा, ते णं पुक्खरकण्णियासंठाणसंठिया सव्वओ
समंता पागार-परिक्खित्ता एगदुवारा पण्णत्ता। २. तत्थ णं जे ते तंसा विमाणा, ते णं सिंघाडगसंठाणसंठिया दुहतोपागार__ परिक्खित्ता एगतो वेइया -परिक्खित्ता तिदुवारा पण्णत्ता। ३. तत्थ णं जे ते चउरंसा' विमाणा, ते णं अक्खाडगसंठाणसंठिया सव्वतो
समंता वेइया-परिक्खित्ता च उदुवारा पण्णत्ता ! ३६८. तिपतिट्टिया विमाणा पग्णत्ता, तं जहा–घणोदधिपतिट्टिता, घणवातपइद्विता,
ओवासंतरपट्टिता ।। ३६६. तिविधा विमाणा पण्णत्ता, तं जहा--अवट्ठिता, वेउन्विता, पारिजाणिया॥ दिट्ठि-पदं ३७०. तिविधा णेरइया पण्णत्ता, तं जहा–सम्मादिट्ठी, मिच्छादिट्ठी, सम्मामिच्छा
दिदी। ३७१. एवं---विगलि दियवज्ज जाव वेमाणियाणं ।।
१. चवियव (क); चतियध्वं (ख, ग)। २. उव्वेवणिताते (क, ख, म)। ३. वेतिता (क, ख, ग)। ४. चउरंस (क, ग)।
५. उवट्टिता (क)। ६. परिजाणिता (क, ख, ग)। ७. ठा० १।१४२-१५१, १६०-१६३ ।
Jain Education International
For Private & Personal Use Only
www.jainelibrary.org
