________________
ठाणं
ठावइता' भवति, तेणामेव तस्स अम्मापि उस्स सुप्पडियारं भवति समणाउसो! २. केइ महच्चे दरिदं समुक्कसेज्जा । तए णं से दरिद्दे समुक्किट्ठे समाणे पच्छा पुरं च णं विउलभोगसमितिसमण्णागते यावि विहरेज्जा। तए णं से महच्चे अण्णया कयाइ दरिद्दीहूए समाणे तस्स दरिद्दस्स अंतिए हव्वमागच्छेज्जा। तए णं से दरिदे तस्स भट्टिस्स सव्वस्समवि' दलयमाणे तेणावि तस्स दुप्पडियारं भवति । अहे णं से तं भट्टि 'केवलिपण्णत्ते धम्मे आघवइत्ता पण्णवइत्ता परूवइत्ता ठावइता भवति, तेणामेव तस्स भट्टिस्स सुप्पडियारं भवति समणाउसो ! ?] | ३. केति तहारूवस्स समणस्स वा माहणस्स वा अंतिए एगमवि आरियं धम्मियं सवयणं सोच्चा णिसम्म कालमासे कालं किच्चा अण्णयरेस देवलोएस देवत्ताए उववण्णे। तए णं से देवे तं धम्मायरियं दुभिक्खाओ वा देसाओ सुभिक्खं देसं साहरेज्जा, कंताराओ वा णिक्कंतारं करेज्जा, दोहकालिएणं वा रोगातंकेणं अभिभूतं समाणं विमोएज्जा, तेणावि तस्स धम्मायरियस्स दुप्पडियारं भवति । अहे णं से तं धम्मारियं केवलिपपत्ताओ धम्माओ भट्ठ समाणं भुज्जोवि केवलिपण्णत्ते धम्मे आघवइत्ता 'पण्णवइत्ता परूवइत्ता ठावइता भवति,
तेणामेव तस्स धम्मायरियस्स सुप्पडियारं भवति [समणाउसो ! ? ] । संसार-वीईवयण-पदं ८८. तिहिं ठाणेहि संपण्णे अणगारे अणादीयं अणवदग्गं दोहमद्धं चाउरतं संसारकतारं
वीईवएज्जा, तं जहा -अणिदाणयाए, दिद्विसंपण्णयाए, जोगवाहियाए । कालचक्क-पदं ८९. तिविहा ओसप्पिणी पण्णत्ता, तं जहा -उक्कोसा", मज्झिमा, जहण्णा ।। ६०. "तिविहा सुसम-सुसमा, तिविहा सुसमा, तिविहा सुसम-दूस'मा, तिविहा दूसम
१. ठावइत्ता (क, ग); ठाविता (ख) । २. °डितारं (क)। ३. सव्वस्सवि (क, ग)। ४. तेणे वि (ग)। ५. पन्नत्तं धम्म (क, ग)। ६. अंतियं (क, ग)। ७. आयरियं (क, ख)।
८. आधवित्ता (क); सं० पा०-आघवइता
जाव ठावइता। ६. उस्स (क, ग)। १०. उक्कस्सा (ग)। ११. सं० पा०-एवं छप्पि समाओ भाणियब्वाओ
जाव दुसमदूसमा।
Jain Education International
For Private & Personal Use Only
www.jainelibrary.org
