________________
५४२
ठाणं
१६.
आउय-पगरण-पदं १७. तिहि ठाणेहिं जीवा अप्पाउयत्ताए कम्मं पगरेंति, तं जहा—पाणे अतिवातित्ता
भवति, मुसं वइत्ता भवति, तहारूवं समणं वा माहणं वा अफासुएणं अणेसणिज्जेणं असणपाणखाइमसाइमेण पडिलाभेत्ता भवति- इच्चेतेहि तिहि ठाणेहि
जीवा अप्पाउयत्ताए कम्म पगरति ।। १८. तिहि ठाणेहि जीवा दीहाउयत्ताए कम्भ पगरेंति, तं जहा--णो पाणे अतिवातित्ता
भवइ, णो मुसं वइत्ता भवइ, तहारूवं समणं वा माहणं वा 'फासुएणं एसणिज्जेण" असणपाणखाइमसाइमेणं पडिलाभेत्ता भवइ--इच्चेतेहिं तिहिं ठाणेहिं जीवा दीहाउयत्ताए कम्म पगरेति । तिहिं ठाणेहि जीवा असुभदीहाउयत्ताए कम्मं पगरेंति, तं जहा----पाणे अतिवातित्ता भवइ, मुसं वइत्ता भवइ, तहारूवं समणं वा माहणं वा हीलित्ता णिदित्ता खिसित्ता गरहित्ता अवमाणित्ता अण्णयरेणं अमणुण्णेणं अपीतिकारतेणं असणपाणखाइमसाइमेणं पडिलाभेत्ता भवइ-इच्चेतेहिं तिर्हि ठाणेहि जीवा
असुभदीहाउयत्ताए कम्मं पगरेंति ।। २०. तिहि ठाणेहिं जीवा सुभदीहा उयत्ताए कम्म पगरेंति, तं जहा–णो पाणे अति
वातित्ता भवइ, जो मुसं वदित्ता भवइ, तहारूवं समणं वा माहणं वा वंदित्ता णमंसित्ता सक्कारिता सम्माणित्ता कल्लाणं मंगलं 'देवतं चेतितं पज्जुवासेत्ता मणुण्णेणं पीतिकारएणं असणपाणखाइमसाइमेणं पडिलाभेत्ता भवइ-इच्चेतेहिं
तिहिं ठाणेहि जीवा सुहदीहाउयत्ताएं कम्मं पगरेति ।। गुत्ति-अगुत्ति-पदं २१. तओ युत्तीओ पण्णत्ताओ, तं जहा-मणगुत्ती, वइगुत्ती, कायगुत्ती ।। २२. संजयमणुस्साणं तओ गुत्तीओ पण्णत्ताओ, तं जहा-मणगुत्ती, वइगुत्ती, काय
गुत्ती ॥ २३. तओ अगुत्तीओ पण्णत्ताओ, तं जहा—मणअगुत्ती, वइअगुत्ती, कायअगुत्ती।
एवं-णे रइयाणं जाव थणियकुमाराणं पंचिदियतिरिक्खजोणियाणं असंजत
मणुस्साणं वाणमंतराणं जोइसियाणं वेमाणियाणं ॥ दंड-पदं २४. तओ दंडा पण्णत्ता, तं जहा-मणदंडे, वइदंडे, कायदंडे ।।
१. फासुएसणिज्जेणं (क, ग)। २. X (वृपा)। ३. देवयं चेइयं (क, ग)। ४. सुभ° (ग)।
५. ततो (क, म) । ६. संजत ° (क, ग)। ७. ठा० १११४२-१५० ।
Jain Education International
For Private & Personal Use Only
www.jainelibrary.org
