________________
५१५
ठाणं
२३५. दुविहा रूवा पण्णत्ता, तं जहा—'अत्ता चेव, अणत्ता चेव" । "इट्टा चेव,
अणिट्ठा चेव। कंता चेव, अकंता चेव। पिया चेव, अपिया चेव । मणुण्णा
चेव, अमणुण्णा चेव । मणामा चेव, अमणामा चेव ।। २३६. "दुविहा गंधा पण्णत्ता, तं जहा -अत्ता चेव, अणत्ता चेव । इट्ठा चेव, अणिट्ठा
चेव। कंता चेव, अकंता चेव । पिया चेव, अपिया चेव । मणुण्णा चेव,
अमणुण्णा चेव । मणामा चेव, अमणामा चेव ।। २३७. दुविहा रसा पण्णत्ता, तं जहा–अत्ता चेव, अणत्ता चेव । इट्ठा चेव, अणिट्ठा
चेव। कंता चेव, अकंता चेव। पिया चेव, अपिया चेव । मणुण्णा चेव,
अमणुण्णा चेव । मणामा चेव, अमणामा चेव ।। २३८. दुविहा फासा पण्णता, तं जहा–अत्ता चेव, अणत्ता चेव । इट्ठा चेव, अणिट्ठा
चेव । कता चेव, अकंता चेव । पिया चेव, अपिया चेव । मणुण्णा चेव, अमणुण्णा चेव। मणामा चेव, अमणामा चेव ।।
आयार-पदं २३६. दुविहे आयारे पण्णत्ते, तं जहा-णाणायारे चेव, णोणाणायारे चेव ॥ २४०. णोणाणायारे दुविहे पण्णत्ते, तं जहा-दंसणायारे चेव, णोदसणायारे चेव ।। २४१. णोदसणायारे दुविहे पण्णत्ते, तं जहा-चरित्तायारे चेव, णोचरित्तायारे चैव ॥ २४२. णोचरित्तायारे दुविहे पण्णत्ते, तं जहा - तवायारे चेव वीरियायारे चेव ॥ पडिमा-पदं २४३. दो पडिमाओ पण्णत्ताओ, तं जहा-समाहिपडिमा चेव, उवहाणपडिमा चेव ।। २४४. दो पडिमाओ पण्णत्ताओ, तं जहा-विवेगपडिमा चेव, विउसग्गपडिमा चेव ।। २४५. दो पडिमाओ पण्णत्ताओ, तं जहा-'भद्दा चेव, सुभद्दा चेव" ।। २४६. दो पडिमाओ पण्णत्ताओ, तं जहा-महाभट्टा' चेव, सम्वतोभदा'चेव। २४७. दो पडिमाओ पण्णत्ताओ, तं जहा-खुड्डिया चेव मोयपडिमा, महल्लिया चेव
मोयपडिमा । २४८. दो पडिमाओ पण्णत्ताओ, तं जहा-जवमझा चेव चंदपडिमा, वइरमज्झा
चेव चंदपडिमा ॥ सामाइय-पदं २४६. दुविहे सामाइए पण्णत्ते, तं जहा-अगारसामाइए चेव, अणागारसामाइए चेय॥ १. अत्तच्चेव अणत्तच्चेव (क)।
४. भद्दे चेव सुभद्दे चेव (क, ग)। २. सं० पा०-एवमिट्ठा जाव मणामा। ५. ° भद्दे (क, ग)। ३. सं० पा.---एवं गंधा रसा फासा एवमिक्के- ६. • भद्दे (क, ग)।
के छ छ आलावगा भाणियव्वा ।
Jain Education International
For Private & Personal Use Only
www.jainelibrary.org
