________________
५१२
ठाणं
दिसादुगे करणिज्ज-पदं १६७. दो दिसाओ अभिगिज्झ कप्पति णिग्गंथाण वा णिग्गंथीण वा पव्वावित्तए -
पाईणं चेव, उदीणं चेव ।। १६८. "दो दिसाओ अभिगिज्झ कप्पति णिग्गंथाण वा णिग्गंथीण वा --मुंडावित्तए,
सिवखावित्तए, उवट्ठावित्तए, संभुजित्तए, संवासित्तए, सज्झायमुद्दिसित्तए, सज्झायं समुद्दिसित्तए, सज्झायमणुजाणित्तए, आलोइत्तए, पडिक्कमित्तए, णिदित्तए, गरहित्तए, विउट्टित्तए, विसोहित्तए, अकरणयाए अभद्वित्तए अहारिहं पायच्छित्तं तवोकम्म पडिवज्जित्तए—पाईण चेव, उदीणं चेव ॥ दो दिसाओ अभिगिज्झ कप्पति णिग्गंथाण वा णिग्गंथीण वा अपच्छिममारणंतियसंलेहणा-जूसणा-जूसियाणं भत्तपाणपडियाइक्खिताणं पाओवगताणं कालं अणवकंखमाणाणं विहरित्तए, तं जहा--पाईणं चेव, उदीणं चेव ।।
बीओ उद्देसो वेदणा-पदं १७०. जे देवा उड्डोववण्णगा कप्पोववण्णगा विमाणोववपणगा चारोववण्णगा चार
द्वितिया' गति रतिया गतिसमावण्णगा, तेसि णं देवाणं सता समितं जे पावे कम्मे कज्जति, तत्थगतावि एगतिया वेदणं वेदेति, अण्णत्थगतावि एगतिया वेदणं
वेदेति ।। १७१. गरइयाणं सता समियं जे पावे कम्मे कज्जति, तत्थगतावि एगतिया वेदणं
वेदेति, अण्णत्थगतावि एगतिया वेदणं वेदेति जाव' पंचिदियतिरिक्खजोणियाणं ।। १७२. मणुस्साणं सता समितं जे पावे कम्मे कज्जति, इहगतावि एगतिया वेदणं
वेदेति, अण्णत्थगतावि एगतिया वेदणं वेदेति । मणुस्सवज्जा सेसा एक्कगमा ॥ गति-आगति-पदं १७३. णेरइया दुगतिया दुयागतिया पण्णत्ता, तं जहा—णेरइए जेरइएसु उववज्जमाणे
मणुस्सेहितो वा पंचिदियतिरिक्खजोणिएहितो वा उववज्जेज्जा। से चेव णं से णेरइए णेरइयत्तं विप्पजहमाणे मणुस्सत्ताए वा पंचिदियतिरिक्खजोणियत्ताए वा गच्छेज्जा ।।
१. सं० पा०-एवं २. ठितीया (क, ग)1
३. ठा० १२१४२-१५६ ।
Jain Education International
For Private & Personal Use Only
www.jainelibrary.org
