________________
५०७
बीअं ठाणं (पढमो उद्देसो)
अहवा---चरिमसमयअजोगिभवत्थकेवलणाणे चेव, अचरिमसमयअजोगिभवत्थ
केवलणाणे चंव। ६२. सिद्धकेवलणाणे दुविहे पण्णत्ते, तं जहा–अणंतरसिद्धकेवलणाणे चैव, परंपर
सिद्धकेवलणाणे चेव ॥ ६३. अणंतरसिद्धकेवलणाणे दुविहे पण्णत्ते, तं जहा—एक्काणंतरसिद्ध केवलणाणे चेव,
अणेक्काणंतरसिद्धकेवलणाणे चेव ॥ १४. परंपरसिद्धकेवलणाणे दुविहे पण्णत्ते, तं जहा---एक्कपरंपरसिद्धकेवलणाणे चेव,
अणेक्कपरंपरसिद्धकेवलणाणे चेव ।। ६५. णोकेवलणाणे दुविहे पण्णत्ते, तं जहा—ओहिणाणे चेव, मणपज्जवणाणे चेव ।। ६६. ओहिणाणे दुविहे पण्णत्ते, तं जहा—भवपच्चइए चेव, खओवसमिए चेव ।। ६७. दोण्हं भवपच्चइए पण्णत्ते, तं जहा—देवाणं चेव, जेरइयाणं चेव ॥ १८. दोण्हं खओवसमिए पण्णत्ते, तं जहा-मणुस्साणं चेव, पंचिदियतिरिक्ख
जोणियाणं चेव ॥ ६६. मणपज्जवणाणे दुविहे पण्णत्ते, तं जहा-उज्जुमति चेव, विउलमति चेव ।।
परोक्खे णाणे दुविहे पण्णत्ते, तं जहा--आभिणिबोहियणाणे चेव, सुयणाणे चेव ॥ १०१. आभिणिबोहियणाणे दुविहे पण्णत्ते, तं जहा–सुयणिस्सिए चेव, असुयणिस्सिए
चेव ।। १०२. सुयणिस्सिए दविहे पण्णत्ते, तं जहा–अत्थोग्गहे चैव, वंजणोग्गहे चेव ।। १०३. असुपिस्सिए' 'दुविहे पण्णत्ते, तं जहा–अत्थोग्गहे चेव, वंजणोग्गहे चेव ।। १०४. सुयणाणे दुविहे पण्णत्ते, तं जहा–अंगपविढे चेव, अंगबाहिरे चेव ॥ १०५. अंगबाहिरे दुविहे पण्णत्ते, तं जहा--आवस्सए चेव, आवस्सयवतिरित्ते चेव ।। १०६. आवस्सयवतिरित्ते दुविहे पण्णत्ते, तं जहा–कालिए चेव, उक्कालिए चेव ।। धम्म-पदं १०७. दुविहे धम्मे पण्णत्ते, तं जहा-सुयधम्मे चेव, चरित्तधम्मे चेव ॥ १०८. सुयधम्मे दुविहे पण्णत्ते, तं जहा-सुत्तसुयधम्मे चेव, अत्थसुयधम्मे चेव ।। १०६. चरित्तधम्मे दुविहे पण्णत्ते, तं जहा—अगारचरित्तधम्मे चेव, अणगारचरित्त
धम्मे चेव ।। संजम-पदं ११०. दुविहे संजमे पण्णत्ते, तं जहा-सरागसंजमे चेव, वीतरागसंजमे चेव ।।
१. सं० पा.---असूयणिस्सितेवि एमेव ।
Jain Education International
For Private & Personal Use Only
www.jainelibrary.org
