Page Text
________________
तइयं अज्झणं (आहारपरिण्णा)
हरियजोणिय तसपाणस्स आहार - पर्द
५६. अहावरं पुरक्खायं - इहेगइया सत्ता पुढविजोणिया पुढविसंभवा पुढविवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा पुढविजोणिएहि हरिएहिं तसपाणत्ताए विउट्टंति ।
जीवासि पुढविजोणियाणं हरियाणं सिणेहमाहारेंति - ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । पाणाविहाणं तस्थावराणं पाणाणं सरीरं अचित्तं कुव्वंति । परिविद्धत्थं तं सरीरं पुव्वाहारियं तयाहारियं विपरिणयं सारूविकडं संतं [ सव्वप्पणत्ताए आहारेति ? ] ।
अवरे वि य णं तेसि हरियजोणियाणं तसपाणाणं सरीरा णाणावण्णा णाणागंधा णाणारसा णाणाफासा णाणासंठाणसंठिया णाणाविहसरीरपोग्गलविउब्विया । ते जीवा कम्मोववण्णगा भवंति त्ति मक्खायं ॥
५७. अहावरं पुरक्खायं -- इहेगइया सत्ता हरियजोणिया हरियसंभवा हरियवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थववकमा हरियजोणिएहिं हरिएहिं तसपाणत्ताए विउट्टंति ।
४२७
Jain Education International
ते जीवा तेसि हरियजोणियाणं हरियाणं सिणेहमाहारेति - ते जीवा आहारेंति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । जाणाविहाणं तस्थावराणं पाणाणं सरीरं अचित्तं कुव्वंति । परिविद्धत्यं तं सरीरं पुव्वाहारियं तयाहारियं विपरिणयं सारूविकडे संतं [ सव्वप्पणत्ताए आहारेति ? ] ।
अवरे विणं तेसि हरियजोणियाणं तसपाणाण सरीरा णाणावण्णा पाणागंधा गाणारसा णाणाफासा णाणासंठाणसंठिया णाणाविहसरी रपोग्गल विउब्विया । ते जीवा कम्मोववणगा भवंति त्ति मक्खायं ॥
५८. अहावरं पुरक्खायं -- इहेगइया सत्ता हरियजोणिया हरियसंभवा हरियवक्कमा, तज्जोगिया तस्संभवा तव्वक्कमा, कम्मोवगा कम्मणियाणेणं तत्थवक्कमा हरियजोणिएहि मूलेहि कदेहि संधेहि तयाहि सालाहि पवालेहि पत्तेहिं पुप्फेहि फलेहि वीएहिं तसपाणत्ताए विउट्टंति ।
ते जीवा तेसि हरियजोणियाणं मूलाणं कंदाणं खंधाणं तयाणं सालाणं पवालाणं पत्ताणं पुप्फाणं फलाणं बीयाणं सिणेहमाहारेति - ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तस्थावराणं पाणाणं सरीरं अचित्तं कुव्वंति । परिविद्धत्थं तं सरीरं पुव्वाहारियं तयाहारियं विपरिणयं सारूविकडं संतं [ सब्वप्पणत्ताए आहारैति ? ] ।
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |