________________
४२५
तइयं अज्झयणं (आहारपरिणा)
णाणारसा णाणाफासा णाणासंठाणसंठिया गाणाविहसरीरपोग्गलविउब्विया।
ते जीवा कम्मोववण्णगा भवंति त्ति मक्खायं ।। ५१. अहावरं पुरक्खायं-इहेगइया सत्ता तणजोणिया तणसंभवा तणवक्कमा, तज्जो
णिया तस्संभवा तव्वक्कमा, कम्मोवगा कम्मणियाण्णं तत्थवक्कमा तणजोणिएहि तणेहि तसपाणत्ताए विउट्ठति । ते जीवा तेसिं तणजोणियाणं तणाणं सिणेहमाहारेति-ते जीवा आहारेंति पुढविसरीरं आउसरीरं ते उसरीरं वाउसरीरं वणस्सइसरीरं तसपाणसरीरं। णाणाविहाणं तसथावराणं पाणाणं सरीरं अचित्तं कुब्वंति । परिविद्धत्थं तं सरीरं पुवाहारियं तयाहारियं विपरिणयं सारूविकडं संतं [सव्वप्पणत्ताए आहारेंति ?|| अवरे वि य णं तेसि तणजोणियाणं तसपाणाणं सरोरा णाणावण्णा णाणागंधा णाणारसा णाणाफासा गाणासंठाणसंठिया गाणाविहसरीरपोग्गल विउव्विया।
ते जीवा कम्मोववण्णगा भवंति त्ति मक्खायं ॥ ५२. अहावरं पुरक्खायं-इहेगइया सत्ता तणजोणिया तणसंभवा तणवक्कमा,
तज्जोणिया तस्संभवा तव्वक्कमा, कम्मोवगा कम्मणियाणेण तत्थवक्कमा तणजोणिएहि मूलेहिं कंदेहि खंहिं तयाहि सालाहिं पवालेहि पत्तेहिं पुप्फेहिं फलेहिं बीएहिं तसपाणत्ताए विउम॒ति ।। ते जीवा तेसिं तणजोणियाणं मूलाणं कंदाणं खंधाणं तयाणं सालाणं पवालाणं पत्ताणं पुप्फाणं फलाणं वीयाण सिणेहमाहारेति--ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तसथावराणं पाणाणं सरीरं अचित्तं कुव्वति । परिविद्धत्थं तं सरीरं पुवाहारियं तयाहारियं विपरिणयं सारूविकडं संतं सवप्पणत्ताए आहारेति ? अवरे वि य णं तेसि मूलजोणियाणं कंदजोणियाणं खंधजोणियाणं तयजोणियाणं सालजोणियाणं पवालजोणियाणं पत्तजोणियाणं पुप्फजोणियाणं फलजोणियाणं बीयजोणियाणं तसपाणाणं सरीरा णाणावण्णा णाणागंधा णाणारसा णाणाफासा णाणासंठाणसंठिया णाणाविहसरीरपोग्गलविउन्विया । ते जीवा कम्मोववण्णगा
भवंति त्ति मक्खायं । ओस हिजोणिय-तसपाणस्स आहार-पदं ५३. अहावरं पुरक्खायं-इहेगइया सत्ता पुढविजोणिया पुढविसंभवा पुढविवक्कमा,
तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा पुढविजोणियाहिं ओसहीहिं तसपाणत्ताए विउद्भृति । ते जीवा तासि पुढविजोणियाणं ओसहीणं सिणेहमाहारेंति-ते जीवा आहारेंति
For Private & Personal Use Only
Jain Education International
www.jainelibrary.org
