Page Text
________________
इयं अभयणं (आहारपरिण्णा)
४२३
अवरे वियणं तेसि रुक्खजोणियाणं तसपाणाणं सरीरा णाणावण्णा णाणागंधा गाणारसा णाणाफासा णाणासंठाणसंठिया गाणाविहसरीरपोग्गलविउब्विया । ते जीवा कम्मो ववणगा भवंति त्ति मक्खायं ॥
४६. अहावरं पुरक्खायं - इहेगइया सत्ता रुक्खजोणिया रुक्खसंभवा रुक्खवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा रुक्खजोणिएहि मूलेहिं कंदेहि खंधेहि तयाहि सालाहि पवालेहि पत्तेहि पुप्फेहि फले हि बीएहिं तसपाणत्ताए विउति ।
ते जीवा तेसि रुक्खजोणियाणं मूलाणं कंदाणं खंधाणं तयाणं सालाणं पवालाणं पत्ताणं पुप्फाणं फलाणं बीयाणं सिणेहमाहारेति - ते जीवा आहारैति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तस्थावराणं पाणाणं सरीरं अचित्तं कुव्वंति । परिविद्धत्थं तं सरीरं पुव्वाहारियं तयाहारियं विपरिणयं सारूविकर्ड संतं [ सव्व पणत्ताए आहारेंति ? ] 1
अवरे वियण तेसि मूलजोणियाणं कंदजोणियाणं खंधजोणियाणं तयजोणियाणं सालजोणियाणं पवालजोणियाणं पत्तजोणियाणं पुप्फजोणियाणं फलजोणियाणं बीजोणियाण तसपाणाणं सरीरा णाणावण्णा णाणागंधा गाणारसा णाणाफासा णाणासंठाणसंठिया णाणाविहसरी रपोग्गल विउब्विया । ते जीवा कम्मोववण्णगा भवंति त्ति मक्खायं ॥
अझारोह जोणिय-तसपाणस्स आहार- पदं
४७. अहावरं पुरखायं -- इहेगइया सत्ता रुक्खजोणिया रुवखसंभवा रुक्खवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा रुक्खजोणिएहि अज्झारोहेहिं तसपाणत्ताए विउट्टंति ।
ते जीवा तेसि रुक्खजोणियाणं अज्झारोहाणं सिणेहमाहारेति - ते जीवा आहारेति पुढविसरीरं आउसरीरं तेउसरीरं वाउसरीरं वणस्सइसरीरं तसपाणसरीरं । णाणाविहाणं तस्थावराणं पाणाणं सरीरं अचित्तं कुव्वंति । परिविद्धत्थं तं सरीरं पुव्वाहारियं तयाहारियं विपरिणयं सारूविकडं संतं [ सव्वपणत्ताए आहारेति ? ] ।
अवरे विय णं तेसि अज्झारोहजोगियाणं तसपाणाणं सरीरा णाणावण्णा गाणगंधा गाणारसा णाणाफासा णाणासंठाणसंठिया णाणाविहसरीरपोगलविउब्विया । ते जीवा कम्मोववण्णगा भवंति त्ति मक्खायं ॥
४८. अहावरं पुरक्खायं - इहेगइया सत्ता अज्झारोहजोणिया अज्झारोहसंभवा अज्झारोहवक्कमा, तज्जोणिया तस्संभवा तव्वक्कमा, कम्मोवगा कम्मणियाणेणं तत्थवक्कमा अज्झारोह जोणिएहि अज्झारोहेहिं तसपाणत्ताए विउट्टंति ।
Jain Education International
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |