________________
तइयं अज्झयणं (आहारपरिणा)
४२१ उदगजोणियसेवालादिस्स आहार-पदं ४३. अहावरं पुरवखायं-इहेगइया सत्ता उदगजोणिया उदगसंभवा' 'उदगवक्कमा,
तज्जोणिया तस्संभवा तव्वक्कमा, कम्मोवगा' कम्मणियाणेणं तत्थवक्कमा णाणाविहजोणिएसु उदएसु उदगत्ताए अवगत्ताए पणगत्ताए सेवालत्ताए कलंबुगत्ताए हढत्ताए' कसेरुगत्ताए कच्छभागियत्ताए उप्पलत्ताए पउमत्ताए कुमुयताए णलिणत्ताए सुभगत्ताए सोगंधियत्ताए पोंडरीयत्ताए महापोंडरीयत्ताए सयपत्तत्ताए सहस्सपत्तत्ताए कल्हारत्ताए कोकणयत्ताए अरविदत्ताए तामरसत्ताए भिसत्ताए भिसमुणालत्ताए पुक्खलत्ताए पुक्खलच्छिभगत्ताए विउद॒ति । ते जीवा तेसिं जाणाविहजोणियाण उदगाणं सिणेहमाहारेति-ते जीवा आहारेति पुढविसरीर' 'आउसरीरं तेउसरीरं वाउसरीरं वणस्सइसरीरं [तसपाणसरीरं ?। णाणाविहाणं तसथावराणं पाणाणं सरीरं अचित्तं कुव्वंति । परिविद्धत्थं तं सरीरं पुवाहारियं तयाहारियं विपरिणयं सारूविकडं • संतं [सव्वप्पणत्ताए आहारेंति ?] । अवरे वि य णं तेसिं उदगजोणियाणं उदगाणं अवगाणं पणगाण सेवालाणं कलंबुगाणं हढाणं कसे रुगाणं कच्छभाणियाणं उप्पलाणं पउमाणं कुमुयाणं णलिणाणं सुभगाणं सोगंधियाणं पोंडरीयाणे महापोंडरीयाणं सयपत्ताणं सहस्सपत्ताणं कल्हाराणं कोकणयाणं अरविंदाणं तामरसाणं भिसाणं भिसमुणालाणं पुक्खलाणं पुक्खलच्छिभगाणं सरीरा णाणावण्णा' 'णाणागंधा णाणारसा णाणाफासा णाणासठाणसंठिया णाणाविहसरीरपोग्गलविउव्विया । ते जीवा कम्मोववण्णगा
भवंति ति° मक्खायं । रुक्खजोणियतसपाणस्स आहार-पदं ४४. "अहावरं पुरक्खायं-इहेगइया सत्ता पुढविजोणिया पुढविसंभवा पुढविवक्कमा,
१. सं० पा०----उदगसंभवा जाव कम्म । २. X (क, ख)। ३. हठत्ताए (क)। ४. पोक्खलत्थिभगत्ताए (क)। ५. सं० पा०—पूढविसरीरं जाव संतं । ६. पोक्खलत्थिभगत्ताणं (क, ख)। ७. सं० पा०--णाणावण्णा जाव मक्खायं । ८. सं० पा०-अहावरं पुरक्खायं--इहेगइया
सत्ता तेहि चेव (१) पुढविजोणिएहिं रुक्खेहि, (२) रुक्खजोगिएहि रुक्खेहि, (३) रुक्ख
जोणिएहिं मूलेहिं जाव बीएहि । (४) रुक्ख जोणिएहिं अज्झोरुहेहि; (५)अज्झोरहजोणिएहिं अज्झोरुहेहिं, (६) अज्झोरुहजोणिएहिं जाव बीएहिं । (७) पढविजोणिएहि तणेहि, (८) तणजोणिएहि तहिं, () तणजोणिएहिं मूलेहिं जाव बीएहि । (१०-१२) एवं ओसहीहि वि तिग्णि आलावगा। (१३-१५) एवं हरिएहि वि तिषिण
Jain Education International
For Private & Personal Use Only
www.jainelibrary.org
