________________
३८६
सूयगडी २
से किमंग पुण वयं अण्णमणेहि गाइसंजोगेहि मुच्छामो ? इति संखाए णं वयं जातिसंजोगे विप्पज हिस्सामो ||
३६. से मेहावी जाणेज्जा - बाहिरगमेयं, इणमेव उवणीयतरगं तं जहा - हत्था मे पाया में 'बाहा मे ऊरू में उदरं मे सीस मे आउं मे बलं मे वण्णो मे तया मे छाया मे सोयं मे चक्खु मे घाणं मे जिन्भा मे फासा मे ममाति, वयाओ परिजूरइ, तं जहा --- आऊओ बलाओ वण्णाओ तयाओ छायाओ सोयाओ चक्खूओ घाणाओ जिभाओ फासाओ । सुसंधिता संधी विसंधीभवति, वलितरंगे गाए भवति, किण्हा केसा पलिया भवंति । जं पि य इमं सरीरगं उरालं आहारोवचियं, एयं पिय मे अणुपुवेणं विष्पजहियव्वं भविस्सति ॥
भिक्खुणो लोगनिस्साविहार- पदं
३७. एयं संखाए से भिक्खू भिक्खायरियाए समुट्ठिए दुहओ लोग जाणेज्जा, तं जहा - जीवा चेव, अजीवा चेव । तसा चेव, थावरा चेव ||
३८. इह खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा - जे इमे तसा थावरा पाणा ते सयं समारंभंति, अण्णेण वि समारंभावेति, अण्णं पि समारंभतं समणुजाणंति ।
इह् खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा जे इमे कामभोगा सचित्ता वा अचित्ता वा - ते सयं परिगिव्हंति, विपरिगण्हावेंति, अण्णं पि परिगिण्हतं समणुजाणंति ।
इह खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, अहं खलु अणारंभे अपरिग्गहे । जे खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, एतेसि चेव मिस्साए बंभचेरवासं बसिस्सामो ।
कस्स णं तं हेउं ?
जहा पुव्वं तहा अवरं, जहा अवरं तहा पुव्वं । अंजू
जे खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, दुहओ पावाई कुव्वंति, इति संखाए दोहि वि अंतेहि अदिस्समाणो । इति भिक्खू एज्जा |
३६. से बेमि- पाईणं वा पडीणं वा उदीर्ण वा दाहिणं वा एवं से परिण्णातकम्मे, एवं से ववेकम्मे, एवं से वियंतकारए भवइत्ति मक्खायं ।
Jain Education International
अणुवरा अणुवट्टिया पुणरवि तारिसगा चेव ।
अहिंसाधम्मपदं
४०. तत्थ खलु भगवया छज्जीवणिकाया हेऊ पण्णत्ता, तं जहा - पुढवीकाए आउकाए ते उकाए वाउकाए वणस्सइकाए तसकाए ।
For Private & Personal Use Only
www.jainelibrary.org
