Page Text
________________
३६६
सूयगडो २
एग साहम्मियं समुद्दिस्स पाणाई भूयाइं जीवाइं सत्ताई समारब्भ' समुहिस्स कीयं पामिच्चं अच्छेज्ज अणिसटुं अभिहडं आहट्टद्देसियं, तं चेतियं सिया, तंणो सयं भुंजइ, णो अण्णं भुंजावेइ, अण्णं पि भुजंतं ण समणुजाणइ --इति से
महतो आदाणाओ उवसंते उवट्ठिए पडिविरते॥ ६६. से भिक्खू अह पुण एवं जाणज्जा-तं विज्जइ तेसिं परक्कमे । जस्सद्वाए
चेतियं सिया, तं जहा–अप्पणो पुत्ताणं धूयाणं सुण्हाण धातीणं णातीणं राईणं दासाणं दासोणं कम्मकराणं कम्मकरीणं आएसाणं' पुढो पहेणाए सामासाए पातरासाए सणिहि-सण्णिचओ कज्जति, इह एएसि माणवाणं भोयणाए। तत्थ भिक्खू परकड-परणिद्वितं उग्गमुप्पायणेसणासुद्धं सत्थातीतं सत्थपरिणामितं अविहिसितं एसितं वेसितं सामुदाणियं पण्णमसणं' कारणट्ठा पमाणजुत्तं अक्खोवंजण-वणलेवणभूयं, संजमजायामायावृत्तिय बिलमिव पण्णगभूतंणं अप्पाणेणं आहारं आहारेज्जा-अण्णं अण्णकाले पाणं पाणकाले वत्थं वत्थकाले
लेण लेणकाले सयणं सयणकाले । धम्म-देसणा-पदं ६७. से भिक्ख मायण्णे अण्णयरि दिसं वा अणुदिसं वा पडिवणे धम्म आइक्खे
विभए किट्टे, उवढिएसु वा अणुवट्ठिएसु वा सुस्सूसमाणेसु पवेदए-'संतिं विरति"
उवसमं णिव्वाणं सोयवियं अज्जवियं मद्दवियं लावियं अणतिवातियं ॥ ६८. सव्वेसि पाणाणं सव्वेसि भूयाणं सव्वेसि जीवाणं सव्वेसि सत्ताणं अणुवीइ किट्टए
धम्म। ६६. से भिक्ख धम्म किट्टेमाणे-~णो अण्णस्स हेउं धम्ममाइक्खेज्जा। णो पाणस्स
हेउं धम्ममाइक्खेज्जा। णो वत्थस्स हेउं धम्ममाइक्खेज्जा । णो लेणस्स हेर्ड धम्ममाइक्खेज्जा। णो सयणस्स हेउं धम्ममाइक्खेज्जा। णो अण्णेसि विरूवरूवाणं कामभोगाणं हेउं धम्ममाइक्खेज्जा। अगिलाए धम्ममाइक्खेज्जा। णण्णत्थ कम्मणिज्जरटुयाए धम्ममाइक्खेज्जा ॥
१. समारम्भ (क)। २. आदेसाणं (ख)। ३. व्या० वि०प्राज्ञम् --पीतार्थेन उपातम् । ४. वत्तियं (ख)। ५. संतिविरति (क, ख, वृ); वृत्तिकारेण 'संतिविरई' इति संयुक्तपाठः स्वीकृतः, तथा च--शान्तिः–उपशम: क्रोधजयस्तत्प्रधाना प्राणातिपातादिभ्यो विरतिः शान्तिविरति:,
यदि वा शान्ति:-अशेषक्लेशोपशमरूपा तस्य तदर्थ विरतिः शान्तिविरतिस्तां कथयेत् (वृ), किन्तु चूमिकारेण 'जहा धुते' इति समर्पणं कृतम् । आचारस्य धुताध्ययने (६।१०२) 'सति विरति' इति असंयुक्तः पाठोस्ति । तमनुसत्यास्माभिस्तथैव स्वीकृतः। ६. तथा सोयवियं (ख)।
Jain Education International
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |