Page Text
________________
३५६
सूयगडो २
३३. तस्स णं रणो परिसा भवति-उग्गा उग्गपुत्ता, भोगा भोगपुत्ता, इक्खागा
इक्खागपुत्ता, नागा नागपुत्ता, कोरव्वा कोरव्वपुत्ता, भट्टा भट्टपुत्ता, माहणा
माहणपुत्ता, लेच्छई लेच्छइपुत्ता, पसत्थारो पसत्थपुत्ता, सेणावई सेणावइपुत्ता ।। ३४. तेसिं च णं एगइए सड्डी भवति । कामं तं समणा वा माहणा वा संपहारिसु
गमगाए । तत्थ अण्णतरेणं धम्मेणं पण्णत्तारो, वयं इमेणं धम्मेणं पण्णवइस्सामो। से एवमायाणह भयंतारो ! जहा मे एस धम्मे° सुयक्खाते सुपण्णते भवति– इह खलु धम्मा पुरिसादिया' पुरिसोत्तरिया पुरिसप्पणीवा पुरिससंभूता' पुरिसपज्जोतिता पुरिसअभिसमण्णागता पुरिसमेव अभिभूय चिट्ठति-- से जहाणामए गंडे सिया सरीरे जाए सरीरे संवुड्ढे' सरीरे अभिसमण्णागए सरीरमेव अभिभय चिह। एवमेव धम्मा वि परिसादिया परिसोत्तरिया पुरिसप्पणीया परिससंभूता पुरिसपज्जोतिता पुरिसअभिसमण्णागता पुरिसमेव अभिभूय चिट्ठति । से जहाणामए अरई सिया सरीरे जाया सरीरे संवुड्डा सरीरे अभिसमण्णागया सरीरमेव अभिभूय चिट्ठइ । एवमेव धम्मा वि पुरिसादिया 'पुरिसोत्तरिया पुरिसप्पणीया पुरिससंभूता पुरिसपज्जोतिता पुरिसअभिसमण्णागता पुरिस मेव अभिभूय चिटुंति । से जहाणामए वम्मिए सिया पुढविजाए पुढविसंवुड्ढे पुढविअभिसमण्णागए पुढविमेव अभिभूय चिट्टइ । एवमेव धम्मा वि पुरिसादिया 'पुरिसोत्तरिया पुरिसप्पणीया पुरिससंभूता पुरिसपज्जोतिता पुरिसअभिसमण्णागता पुरिसमेव अभिभूय चिटुंति । से जहाणामए रुक्खे सिया पुढविजाए' 'पुढविसबुड्ढे पुढविअभिसमण्णागए' पुढविमेव अभिभूय चिट्ठइ । एवमेव धम्मा वि पुरिसादिया" "पुरिसोत्तरिया पुरिसप्पणीया पुरिससंभूता पुरिसपज्जोतिता पुरिसअभिसमण्णागता पुरिसमेव अभिभूय चिटुंति ! से जहाणामए पुक्खरिणी सिया" 'पुढविजाया पुढविसंवुड्डा पुढविअभिसमण्णागया° पुढविमेव अभिभूय चिट्ठइ । एवमेव धम्मा वि पुरिसादिया
१. व्या० वि०-पुरुष:-ईश्वरः । २. 'पुरिससंभूता पुरिसअभिसमपणागता' एते
वाक्ये वृत्तौ न व्याख्याते। ३. बुड्ढे (क, वृ)। ४. सं० पा०-पुरिसादिया जाव पूरिसमेव । ५. अभिसंवुड्ढा (क, ख); वुड्डा (वृ)। ६. सं० पा०--पुरिसादिया जाव पुरिसमेव ।
७. विम्मिए (ख)। ८. सं० पा० --पुरिसादिया जाव अभिभूय । ६. सं० पाल----पुढविजाए जाद पुढविमेव । १०. सं० पा०-पुरिसादिया जाव अभिभूय ! ११. सं० पा.-.-सिया जाब पुढविमेव । १२. सं० पा०-पुरिसादिया ज व अभिभूय ।
For Private & Personal Use Only
Jain Education International
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |