________________
३५४
पंचमहाभूतवादि-पर्व
२३. अहावरे दोच्चे पुरिसजाए पंचमहब्भूइए त्ति आहिज्जइ - इह खलु पाईणं वा पडीणं वा उदीर्ण वा दाहिणं वा संतेगइया मणुस्सा भवंति अणुपुव्वेणं' • लोगं उववण्णा, तं जहा- आरिया वेगे अणारिया वेगे, उच्चागोया वेगे णीयागोया वेगे, कायमंता वेगे हस्समंता वेगे, सुवण्णा वेगे दुवण्णा वेगे, सुरूवा वेगे दुरूवा वेगे । तेसि च णं मणुयाणं एगे राया भवति - महाहिमवंत मलयमंदर-महिंदसारे जाव' पसंतडिबडमरं रज्जं पसाहेमाणे विहरति ॥
२४. तस्स णं रण्णो परिसा भवति – उग्गा उग्गपुत्ता, भोगा भोगपुत्ता, इक्खागा इक्खागपुत्ता, नागा नागपुत्ता, कोरव्वा कोरव्वपुत्ता, भट्टा भट्टपुत्ता, माहणा माहणपुत्ता, लेच्छई लेच्छइपुत्ता, पसत्थारो पसत्यपुत्ता, सेणावई सेणावइपुत्ता ॥ २५. तेसि च णं एगइए सड्डी भवति । कामं तं समणा वा माहणा वा संपहारिसु गमणाए । तत्थ अण्णतरेणं धम्मेणं पण्णत्तारो, वयं इमेणं धम्मेणं पण्णव इस्समो । से एवमादाणह भयंतारो! जहा मे एस धम्मे सुयक्खाते सुपण्णत्ते भवति -- इह खलु पंचमहन्भूया जेहिं णो' कज्जइ किरिया इ वा अकिरिया इ वा सुकडे इ वा दुक्कडे इ वा कल्लाणे इ वा पावए इ वा साहू इवा असाहू इ वा सिद्धी इ वा असिद्धी इ वा णिरए इ वा अणिरए इ वा, 'अवि अंतसो" तणमायमवि ||
२६. तं च पदोद्देसेणं' पुढोभूतसमवाय' जाणेज्जा, तं जहा - पुढवी एगे महब्भूते, आऊ दुच्चे महब्भूते, तेऊ तच्चे" महब्भूते, वाऊ चउत्थे महन्भूते, आगासे पंचमे महभूते । इते पंच महत्भूया अणिम्मिया अणिम्माविया अकडा णो कित्तिमा' 'णो कडगा" अणादिया अणिघणा अवझा अपुरोहिता सतंता
सासया ||
२७. आयछट्ठा पुण एगे एवमाह-सतो गत्थि विणासो असतो णत्थि संभवो । एताव ताव जीवकाए, एताव ताव अस्थिकाए, एताव ताव सव्वलोए, एतं मुहं लोगस्स करणयाए, अवि अंतसो" तणमायमवि ||
२८. से किणं किणावेमाणे, हणं घायमाणे, पयं पयावेमाणे, अवि अंतसो पुरिसमवि विविकणित्ता घायइत्ता, एत्थं पि जाणाहि णत्थित्थ दोसो ||
१. सं० पा० – अणुपुब्वेणं जाव सुपण्णत्ते ।
२. ओ० सू० १४ ।
३. अस्माकम् (वृ) ।
४. अवि यंतसो ( क ) ; इति० ( ख ) |
५. पिठुद्दे से ( क, ख ) ।
६. समवायं (चू) |
२
Jain Education International
७. ततिए ( क ) |
८. अणिमेता (क) ।
९. कत्तिमा (चू ) |
१०. x (चू) ।
११. यंतसो (क) |
१२. इत्थं पि जाणीहि (क); एत्थ वि जाण (चू) ।
For Private & Personal Use Only
www.jainelibrary.org
