Page Text
________________
३४८
सूयगडो २ तए णं से पुरिसे एवं वयासी-अहो ! णं इमे पुरिसा अदेसकालण्णा अखेत्तण्णा अकुसला अपंडिया अविअत्ता अमेधावी बाला णो मग्गण्णा णो मग्गविद् णो मग्गस्स गति-आगतिण्णा णो परक्कमण्ण, जणं एते पुरिसा एवं मण्णे ---"अम्हे तं पउमवरपोंडरीयं उष्णिक्खिस्सामो" णो य खलु एतं पउमवरपोंडरीयं एवं उपिणक्खेयव्वं जहा णं एते पुरिसा मण्णे। अहमंसि पुरिसे देसकालण्ण खेत्तण्णे कुसले पंडिए विअत्ते मेधावी अबाले मग्गणे मग्गविदू मग्गस्स गति-आगतिण्णे परक्कमण्णू, अहमेयं पउमवरपोंडरीयं उण्णिक्खिस्सामि त्ति वच्चा से पुरिसे अभिक्कमे तं पोक्खरणि । जावजावं च णं अभिक्कमेइ ताव-तावं च णं महते उदए महंते सेए पहीणे तीरं, अपत्ते पउमवरपोंडरीयं, जो हव्वाए णो पाराए, अंतरा पोक्खरणीए ° सेयंसि
विसण्णे---तच्चे पुरिसजाते ।। चउत्थ-पुरिसजात-पदं ६. अहावरे च उत्थे पुरिसजाते-अह पुरिसे उत्तराओ दिसाओ आगम्म तं पोक्खरणि,
तीसे पोक्खरणीए तीरे ठिच्चा पासति 'तं महं" एगं पउमवरपोंडरीयं अणुपुव्वद्वियं ऊसियं रुइलं वण्णमंतं गंधमंत रसमंतं फासमंतं पासादियं दरिसणीयं अभिरुवं पडिरूवं। ते तत्थ तिण्णि पुरिसजाते पासति पहीणे तीरं, अपत्ते' 'पउमवरपोंडरीयं, णो हव्वाए णो पाराए, अंतरा पोक्खरणीए° सेयंसि विसण्णे । तए णं से पुरिसे एवं वयासी–अहो ! ण इमे पुरिसा अदेसकालण्णा अखेत्तण्णा' 'अकुसला अपंडिया अविअत्ता अमेधावी बाला णो मग्गण्णा णो मग्गविद् णो मग्गस्स गति-आगतिण्णा णो° परक्कमण्णू, जण्णं एते पुरिसा एवं मणे-"अम्हे एतं पउमवरपोंडरोयं उण्णिक्खिस्सामो" णो य खलू एतं पउमवरपोंडरीयं एवं उण्णिक्खेयव्वं जहा णं एते पुरिसा मण्णे। अहमंसि पुरिसे देसकालण्णे खेत्तण्णे 'कुसले पंडिए विअत्ते मेधावी अबाले मगण्णे मग्गविदू मग्गस्स गति-आगतिपणे° परक्कमण्ण, अहमेयं पउमवरपोंडरीयं उणिक्खिस्सामि त्ति वच्चा से पुरिसे अभिक्कमे तं पोक्खरणि । जाव-जावं च णं अभिक्कमेइ ताव-तावं च णं महते उदए महंते सेए 'पहोणे तीरं, अपत्ते पउमवरपोंडरीयं, णो हवाए णो पाराए, अंतरा पोक्खरणीए सेयंसि विसण्णे-.. चउत्थे पुरिसजाते ।।
१. सं० पा०--सेए जाव सेयंसि । २. ४ (क, ख)। ३. सं० पा०-~-अणपुवाट्रिय जाव पडिरूव। ४. सं० पा०--अपत्ते जाव सेयंसि ।
५. सं० पा०-अखेत्तण्णा जाव परक्कमण् । ६. सं० पा०-खेत्तपणे जाव परक्कमण्णू । ७. सं० पा०-~-सेए जाव विसणे ।
Jain Education International
For Private & Personal Use Only
www.jainelibrary.org
| SR No. | 003558 |
| Book Title | Agam 02 Ang 02 Sutrakrutang Sutra Suyagado Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 365 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 6 MB |