________________
बीअं अज्झयणं (लोगविजओ-तइओ उद्देसो) ५०. इति' संखाय के गोयावादी ? के माणावादी ? कंसि वा एगे गिज्झे ? ५१. तम्हा पंडिए णो हरिसे, णो कुज्झे ।। ५२. भूएहि जाण पडिलेह सातं" ।। ५३. समिते एयाणुपस्सी। ५४. तं जहा-- अधत्तं बहिरत्तं मूयत्तं काणत्तं कुंटत्तं खुज्जत्तं वडभत्तं सोमत्तं
सबलत्तं ॥ ५५. सहपमाएणं अणेगरूवाओ जोणीओ संधाति', विरूवरूवे फासे पडिसंवेदेइ ।। ५६. से अबुज्झमाणे 'हतोवहते जाइ-मरणं अणुपरियट्टमाणे ।। परिग्गह-तद्दोस-पदं ५७. जीवियं पुढो पियं इहमेगेसि माणवाणं, खेत्त-वत्थु ममायमाणाणं ॥ ५८. आरत्तं विरत्तं मणिकुंडलं सह हिरण्णेण, इत्थियाओ परिगिज्झ तत्थेव रत्ता ।। ५६. ण एत्थ तवो वा, दमो वा, णियमो वा दिस्सति ।। ६०. संपुण्णं बाले जीविउकामे लालप्पमाणे मूढे विप्परियासुवेइ । ६१. इणमेव पावकंखंति, जे जणा धुवचारिणो।
जाती-मरणं परिणाय, चरे संकमणे दढे ।। ६२. पत्थि कालस्स णागमो।। ६३. सव्वे पाणा पियाउया सुहसाया दुक्खपडिकूला अप्पियवहा पियजीविणो
जीविउकामा॥ ६४. सन्वेसि जीवियं पियं ।। ६५. तं परिगिझ दुपयं चउप्पयं अभिमुंजियाणं संसिंचियाणं तिविहेणं जा वि से
तत्थ मत्ता भवइ-अप्पा वा बहुगा वा॥ ६६. से तत्थ गढिए चिट्ठइ, भोयणाए । ६७. तओ से एगया विपरिसिटुं संभूयं महोवगरणं भवइ ।।
१. एवं (चू)।
३. संधाएति (ख, ग, च)। २. नागार्जुनीया :-पुरिसेणं खलु दुक्खविवाग- ४. परि० (घ, वृ)।
गवेसएणं पुटिव ताव जीवाभिगमे कायव्वे, ५. हतोवहते विणिविट्ठ चित्ते एत्थ सत्ते पुणो पुणो जाइंच' इच्छिताणिच्छे, तं सातासात विया- (च)। णिया हिसोवरती कायव्वा (चू)।
६. विप्परियासमुवेइ (ख, ग, घ, छ)। नागार्जुनीया :-पुरिसे णं खलु दुक्खुब्बय- ७. पियायया (वृपा)। सुहेसए (वृ)।
८. विविहं परिसिटुं (क, ख, ग, घ, च)।
Jain Education International
For Private & Personal Use Only
www.jainelibrary.org
