________________
२४६
आयारचुला
णो अतिमत्तपाणभोयणभोई से णिग्गंथे णो पणीयरसभोयणभोई त्ति चउत्था
भावणा ॥
६६. अहावरा पंचमा भावणा-णो णिग्गंथे इत्थीपसुपंडगसंसत्ताई सयणासणाई सेवित्तए सिया । केवली बूया - णिग्गथे णं इत्थीप सुपंडगसंसत्ताई सयणासणाई सेवेमाणे, संतिभेया' 'संतिविभंगा संतिकेवली पण्णत्ताओ धम्माओ भंसेज्जा | णो णिग्गंथे इत्थीपसुपंडगसंसत्ताई सयणासणाई सेवित्तए सियत्ति पंचमा
भावणा ॥
७०. एतावताव महव्वए सम्म काएण फासिए पालिए तीरिए किट्टिए अवट्टिए आणाए • आराहिए यावि भवइ । चउत्थे भंते ! महव्वए' मेहुणाओ वेरमणं ॥
अपरिग्रहमहन्वय-पदं
७१. अहावरं पंचमं भंते ! महव्वयं सव्वं परिग्ग पच्चक्खामि - से अप्पं वा, बहुं वा, अणुं वा, थूलं वा, चित्तमंतं वा, अचित्तमंतं वा णेव सयं परिग्गहं गिण्हेज्जा, वष्णेहि परिग्गहं गिण्हावेज्जा, अण्णपि परिम्यहं गिव्हतं ण समणुजाणिज्जा जावज्जीवाए तिविहं तिविहेणं - मणसा वयसा कायसा, तस्स भंते ! पडिक्कमामि निंदामि गरिहामि अप्पाणं • वोसिरामि ||
अपरिग्रह महव्वयस्स भावणा-पदं
७२. तस्सिमाओ पंच भावणाओ भवंति । तत्थिमा पढमा भावणा - सोयओ' जीवे मणुणामणुष्णाई सद्दाई सुणेइ । मणुण्णा मणुष्णेहि सद्देहिं णो सज्जेज्जा, णो रज्जेज्जा, णो गिज्भेज्जा, णो मुज्भेज्जा, णो अज्झोववज्जेज्जा, णो विणिग्धायमाज्जेज्जा । केवली बूया - णिग्गंथे णं मणुण्णामणुष्णेहि सद्देहिं सज्जमाणे रज्जमाणे गिज्झमाणे मुज्झमाणे अज्झोववज्जमाणे विणिग्धायमावज्जमाणे, संतिभेया संतिविभंगा संतिकेवलिपण्णत्ताओ धम्माओ भंसेज्जा ।
ण सक्का ण सोउं सद्दा, सोयविसयमागता
।
रागदोसा उ जे तत्थ, ते भिक्खू परिवज्जए ||२०|| सोओ जीवो मणुष्णामणुण्णाई सद्दाइ सुणेइ त्ति पढमा भावणा ॥
७३. अहावरा दोच्चा भावणा- - चक्खूओ जीवो मणुण्णामणुष्णाई रुवाई पासइ ।
१. सं० पा० - संतिभेया जाव भंसेज्जा | २. सं० पा० - फासिए जाव आराहिए।
३. सं० पी० - महत्वए । ४. पच्चा इक्खामि ( अ, क, घ, च) ।
Jain Education International
५. सं० पा० - समणुजाणिज्जा जाव वोसिरामि ६. सोतत्ते ( अ, क, छ, ब) 1
७. तं ( अ, क, घ, ब ) ।
For Private & Personal Use Only
www.jainelibrary.org
