________________
पनरसमं अज्झयणं
भावणा
भगवओ-चवणादि-णक्खत्त-पदं १. तेणं कालेणं तेण समएणं समणे भगवं महावीरे पंचहत्थुत्तरे यादि होत्था --
१. हत्थुत्तराहिं चुए चइत्ता गभं वक्कते २. हत्थुत्तराहि गभाओ गम्भ साहरिए ३. हत्थुत्तराहि जाए ४. हत्थुत्तराहि सव्वओ सव्वत्ताए मुंडे भवित्ता अगाराओ अणगारियं पव्वइए ५. हत्थुत्तराहि कसिणे पडिपुण्णे अव्वाधाए
निरावरणे अणंते अणुत्तरे केवलवरनाणदंसणे समुप्पण्णं ।। २. साइणा भगवं परिनिव्वुए। गम्भ-पदं ३. समणे भगवं महावीरे इमाए ओसप्पिणीए -सुसमसुसमाए समाए वीइक्कताए,
सुसमाए समाए वीतिक्कताए, सुसमदुसमाए समाए वीतिक्कंताए, दुसमसुसमाए समाए बह वीतिक्कंताए--पण्णहत्तरीए वासेहि, मासेहि य अद्धणवमेहि सेसेहि, जे से गिम्हाणं चउत्थे मासे, अट्ठमे पक्खे-- आसाढसुद्धे, तस्सणं आसाढसुद्धस्स छट्ठीपक्खेणं हत्थुत्तराहिं नक्खत्तेणं जोगमुवागएणं', महाविजयसिद्धत्थ-पुप्फुत्तर-पवर-पुंडरीय-दिसासोवत्थिय-वद्धमाणाओ महाविमाणाओ वीसं सागरोवमाई आउयं पालइत्ता आउक्खएणं भवक्खएणं ठिइक्खएणं चुए चइत्ता इह खलु जंबुद्दीवे' दीवे, भारहे वासे, दाहिणड्डभरहे दाहिणमाहणकुंडपुरसन्निवेसंसि उसभदत्तस्स माहणस्स कोडाल-सगोत्तस्स देवाणंदाए माहणीए जालंधरायण-सगोत्ताए सीहोब्भवभूएणं अप्पाणेणं कुच्छिसि गभं वक्ते ।।
१. पण्णत्तरीए (अ, क, ध, च)। २. ०णवमसेसेहि (क, घ, च)। ३. जोगोवगएणं (अ, च)।
४. अहाउयं (क, घ, च)। ५. दीवेणं (क, घ, च, छ, ब)। ६. वेसंमि (छ) !
२३१
Jain Education International
For Private & Personal Use Only
www.jainelibrary.org
