________________
चउद्दसमं अज्झयणं (अण्णुण्णकिरिया-सत्तिक्कयं)
२२५ १०. से अण्णमण्णं पादाओ खाणुं वा, कंटयं वा णीहरेज्ज वा, विसोहेज्ज वा--णो तं
साइए, णो तं णियमे ।। ११. से अण्णमण्णं पादाओ पूयं वा, सोणियं वा णीहरेज्ज वा, विसोहेज्ज वा-णोतं
साइए, णो तं णियमे ॥ काय-परिकम्म-पदं १२. से अण्णमण्णं कायं आमज्जेज्ज वा, पमज्जेज्ज वा--णो तं साइए, णो तं
णियमे ।। १३. से अण्णमण्णं कायं संवाहेज्ज वा, पलिमद्देज्ज वा–णो तं साइए, णो तं
णियमे ।। १४. से अण्णमण्णं कायं तेल्लेण वा, घएण वा, वसाए वा मक्खेज्ज वा, अभंगेज्ज
वा-णो तं साइए, जो तं णियमे ।। से अण्णमण्णं कायं लोद्धेण वा, कक्केण वा, चुण्णेण वा, वण्णेण वा उल्लोलेज्ज
वा, उव्वलेज्ज वा---णो तं साइए, णो तं णियमे ।। १६. से अण्ण मण्णं कायं सोओदग-वियडेण वा, उसिणोदग-वियडेण वा उच्छोलेज्ज
वा, पहोएज्ज वा –णो तं साइए, णो तं णियमे ॥ १७. से अण्णमण्णं कायं अण्णयरेणं विलेवण-जाएणं आलिंपेज्ज वा, विलिपज्ज वा
णो तं साइए, णो तं णियमे ।। १८. से अण्णमण्णं कायं अण्णयरेणं धूवण-जाएणं धूवेज्ज वा, पधूवेज्ज वा-णो तं
साइए, णो तं णियमे ॥ वण-परिकम्म-पदं १६. से अण्ण मण्णं कायंसि वणं आमज्जेज्ज वा, पम नेज्ज वा-जो तं साइए, ण
तं णियमे। २०. से अण्णमण्णं कायंसि वणं संवाहेज्ज वा, पलिमद्देज्ज वा-णो तं साइए, णो
तं णियमे। २१. से अण्णमण्णं कायंसि वणं तेल्लेण वा, घएण वा, वसाए वा मक्खेज्ज वा,
भिलिगेज्ज वाणो तं साइए, णो तं णियमे ।। २२. से अण्णमण्णं कायंसि वणं लोद्रेण वा, कक्केण वा, चुण्णेण वा, वणेण वा
उल्लोलेज्ज वा, उव्वलेज्ज वा-णो तं साइए, णो तं णियमे । २३. से अण्ण मण्णं कायंसि वणं सीओदग-वियडेण वा, उसिणोदग-वियडेण वा,
उच्छोलेज्ज वा, पधोएज्ज वा--णो तं साइए, णो तं णियमे। २४, से अण्णमण्णं कायंसि वर्ण अण्णयरेणं विलेवण-जाएणं आलिपेज्ज वा, विलिपेज्ज
वा-णो तं साइए, णो तं णियमे ।
Jain Education International
For Private & Personal Use Only
www.jainelibrary.org
