________________
आधारचूला
आहरेयं पडिग्गहं देहि, निक्खिवाहि।" तं णो देज्जा, णो णिक्खिवेज्जा, णो वंदिय-वंदिय जाएज्जा, णो अंजलि कटु जाएज्जा, णो कलुण-पडियाए जाएज्जा, धम्मियाए जायणाए जाएज्जा, तुसिणीय-भावेण वा उवेहेज्जा । ते णं आमोसगा सयं करणिज्जं ति कटु अक्कोसंति वा, बंधति वा, रुंभंति वा, उद्दवति वा, पडिम्गहं अच्छिदेज्ज वा, अवहरेज्ज वा, परिभवेज्ज बा । तं णो गामसंसारियं कुज्जा, णो रायसंसारियं कुज्जा, णो परं उवसंकमित्तु बूयाआउसंतो! गाहावइ ! एए खलु आमोसगा पडिग्गह-पडियाए सयं करणिज्जं ति कटु अक्कोसंति वा, बंधंति वा, रुभंति वा, उद्दवंति वा, पडिग्गहं अच्छिदेति वा, अवहरेंति वा, परिभवेति वा ! एयरपगारं मणं वा, वई वा णो पुरओ कटु विहरेज्जा । अप्पुस्सुए अबहिलेस्से एगंतगएणं अप्पाणं वियोसेज्ज समाहीए,
तओ संजयामव गामाणुगामं दूइज्जेज्जा । ५६. एयं खलु तरस भिखुरस वा भिक्षुणीए वा सामगियं, जं सम्वहि समिए सहिए सया जएज्जासि ।
-त्ति बेमि ।।
Jain Education International
For Private & Personal Use Only
www.jainelibrary.org
