________________
पचम अज्झयणं (वत्थेसणा-वीओ उद्देसो)
३६. से तमादाए एगंतमवक्कमेज्जा, एगंतमवक्कमेत्ता अहे झामर्थंडिलंसि वा',
अद्विरासिसि किट्टरासिसि वा, तुसरासिसि वा, गोमय रासिसि वा, अण्णयरंसि वा तहप्पगारंसि थंडिलं सि पडिलेहिय-पडिलेहिय, पमज्जिय
पमज्जिय तओ संजयामेव वत्थं आयावेज्ज वा, पयावेज्ज वा ।। ४०. एयं खलु तस्स भिक्खुस्स वा भिक्खुणीए वा सामग्गिय', 'जं सव्वदे॒हिं समिए सहिए सया जएज्जासि।
-त्ति बेमि ॥ बीओ उद्देसो णो धोएज्जा रएज्जा-पदं ४१. से भिक्खू वा भिक्खुणी वा अहेसणिज्जाइं वत्थाई जाएज्जा, अहापरिग्गहियाई
वत्थाई धारेज्जा, णो धोएज्जा णो रएज्जा, णो धोयरत्ताई वत्थाई धारेज्जा,
अपलिउंचमाणे गामंतरेसु ओमचेलिए । एयं खलु वत्थधारिस्स सामग्गियं ।। सव्वचीवरमायाए-पदं ४२. से भिक्ख वा भिक्खुणी वा गाहावइ-कुलं पिंडवाय-पडियाए पविसिउकामे सव्वं
चीवरमायाए गाहावइ-कुलं पिंडवाय-पडियाए णिक्खमेज्ज वा, पविसेज्ज वा ।। ४३. “से भिक्खू वा भिक्खुणी वा बहिया वियार-भूमि वा, विहार-भूमि वा णिक्खम__माणे वा, पविसमाणे वा सव्वं चीवरमायाए बहिया वियार-भूमि वा विहार
भूमि वा णिक्खमेज्ज वा, पविसेज्ज वा ॥ ४४. से भिक्खू वा भिक्खुणी वा गामाणुगामं दूइज्जमाणे सव्वं चीवरमायाए
गामाणुगाम दूइज्जेज्जा॥ अह पुणेवं जाणेज्जा -तिव्वदेसियं वा वासं वासमाणं पहाए, तिव्वदेसियं वा महियं सण्णिवयमाणि पेहाए, महावाएण वा रयं समुद्धयं पेहाए, तिरिच्छं संपाइमा वा तसा-पाणा संथडा सन्निवयमाणा पेहाए, से एवं णच्चा णो सवं चीवरमायाए गाहावइ-कुलं पिंडवाय-पडियाए णिक्खमेज्ज वा, पविसेज्ज वा, बहिया वियार-भूमि वा विहार-भूमि वा णिक्खमेज्ज वा पविसेज्ज वा, गामाणुगामं वा दूइज्जेज्जा ॥
१. सं० पा०--झामथंडिलंमि वा जाव अण्ण
यरंसि। २. सं० पाo---सामग्गियं । ३. सं० पा०-एवं बहिया विचारभूमि वा
विहारभूमि वा गामाणुगाम दूइज्जेजा अह पुणेवं जाणेज्जा तिब्वदेसियं वा वासं वास. माणं पेहाए जहा पिंडेसणाए णवरं सव्वं चीवरमायाए।
Jain Education International
For Private & Personal Use Only
www.jainelibrary.org
