Page Text
________________
आयारचूला
संणिहियं, अगणि वा संणिक्खित्तं ? से आइक्खह', 'दंसेह । तं णो आइक्खेज्जा, णो दंसेज्जा, णो तेसि तं परिणं परिजाणेज्जा, तुसिणीओ उवेहेज्जा, जाणं वा णो जाणंति वएज्जा, तओ संजयामेव गामाणुगाम दूइज्जेज्जा ।।। से भिक्खू वा भिक्खुणी वा गामाणुगाम दूइज्जमाण अतरा से पाडिपहिया उवागच्छेज्जा। ते णं पाडिपहिया एवं वएज्जा-आउसंतो! समणा! अवियाइं एत्तो पडिपहे पासह-जवसाणि वा', 'सगडाणि वा, रहाणि वा, सचक्काणि वा, परचक्काणि वा, सेणं वा विरूवरूवं संणिविट्ठ ? से आइक्खह, दंसेह । तं णो आइक्खेज्जा, णो दसेज्जा, णो तेसिं तं परिणं परिजाणेज्जा, तुसिणीओ उवेहेज्जा, जाणं वा णो जाणति वएज्जा, तओ संजयामेव
गामाणुगाम दूइज्जेज्जा ॥ ५७. से भिक्खू वा भिक्खुणो वा गामाणुगामं दूइज्जमाणे अतरा से पाडिपहिया
"उवागच्छेज्जा। तेणं पाडिपहिया एवं वदेज्जा-आउसैंतो ! समणा ! केवइए एत्तो गामे वा', 'णगरे वा, खेडे वा, कव्वड वा मडंवे वा, पट्टणे वा, दोणमुहे वा, आगरे वा, णिगमे वा, आसमे वा, सण्णिवेसे वा°, रायहाणी वा ? से आइक्खह, दंसेह । तं णो आइक्खेज्जा, णो दंसेज्जा, णो तेसि तं परिणं परिजाणेज्जा, तुसिणीओ उवेहेज्जा, जाणं वा णो जाणंति वएज्जा, तओ संजयामेव गामाणुगाम दूइज्जेज्जा ।। से भिक्खू वा भिवखुणी वा गामाणुगाम दुइज्जमाणे अंतरा से पाडिपहिया उवागच्छेज्जा । ते णं पाडिपहिया एवं वदेज्जा-आउसंतो ! समणा ! केवइए एत्तो गामस्स वा, णगरस्स वा', 'खेडस्स वा, कव्वडस्स वा, मडंबस्स वा, पट्टणस्स वा, दोणमुहस्स वा, आगरस्स वा, णिगमस्स वा, आसमस्स वा, सण्णिवेसस्स वा रायहाणीए वा मग्गे ? से आइक्खह, दंसेह । तं णो आइक्वेज्जा, णो दसेज्जा, णो तेसि तं परिण्णं परिजाणज्जा, तुसिणीओ उवेहेज्जा, जाणं वा णो जाणंति वएज्जा, तओ संजयामेव गामाणुगाणं
दूइज्जेज्जा ॥ वियाल-पदं ५६. से भिक्खू वा भिक्खुणी वा गामाणुगाणं दूइज्जमाणे अंतरा से गोणं वियालं
पडिपहे पेहाए', 'महिसं वियाल पडिपहे पहाए, एवं-मणुस्स, आसं, हथि, सीहं, वग्छ, विगं, दीवियं, अच्छ, तरच्छं, परिसरं, सियालं, विरालं, सुणयं,
५८.
१. सं० पा०–आइक्खह जाव दूइज्जेज्जा। २. सं० पा०--जवसाणि वा जाव सेणं। ३. सं० पा.--पाडिपहिया जाव आउसतो।
४. सं० पा०-गाम वा जाव रायहाणी। ५. सं० पा०—णगररस वा जाव रायहाणीए। ६. सं० पा०—पहाए जाव चित्ताचिल्लडं।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |