Page Text
________________
१२३
बारं अज्झयणं (सेज्जा-पढमो उद्देसो)
'अणत्तदिए, अपरिभुत्ते, अणासेविते • णो ठाणं वा, सेज्जं वा, णिसीहियं वा
चेतेज्जा । १५. अह पुणेवं जाणेज्जा-पुरिसंतरकडे', अत्तट्ठिए, परिभुत्ते, आसेविए पडिलेहित्ता
पमज्जित्ता तओ संजयामेव ठाणं वा, सेज्जं वा, णिसीहियं वा चेतेज्जा ॥ १६. से भिक्खू वा भिक्खुणी वा सेज्जं पुण उवस्सयं जाणेज्जा-अस्संजए भिक्खु
पडियाए पीढं वा, फलगं वा, णिस्सेणि वा, उदूहलं वा ठाणाओ ठाणं साहरइ, बहिया वा णिण्णक्खु, तहप्पगारे उवस्सए अपुरिसंतरकडे', 'अणत्तट्टिए, अपरि
भुत्ते, अणासेविए ° णो ठाणं वा सेज्जं वा, णिसीहियं वा चेतेज्जा ।। १७. अह पुणेयं जाणेज्जा-पुरिसंतरकडे 'अत्तट्ठिए, परिभुत्ते, आसेविए पडिलेहित्ता
पमज्जित्ता तओ संजयामेव ठाणं वा, सेज्जं वा, णिसीहियं वा चेतेज्जा ।। अंतलिक्ख-जाय-उवस्सय-पदं १८. से भिक्खू वा भिक्खुणी वा सेज्ज पुण उवस्सयं जाणेज्जा-तं जहा-खंधंसि वा,
मंचंसि वा, मालसि वा, पासायंसि वा, हम्मियतलंसि वा, अण्णतरंसि वा तहप्पगारंसि अंतलिक्खजायंसि, णण्णत्थ आगाढाणागाढेहि कारणेहि ठाणं वा, सेज्जं वा, णिसीहियं वा चेतेज्जा। से य आहच्च चेतिते सिया णो तत्थ सीओदग-वियडेण वा, उसिणोदगवियडेण वा हत्थाणि वा, पादाणि वा, अच्छीणि वा, दंताणि वा, मुहं वा उच्छोलेज्ज वा, पहोएज्ज वा । णो तत्थ ऊसढं' पगरेज्जा, तं जहा-उच्चारं वा, पासवणं वा, खेल वा, सिंघाण वा, वंतं वा, पित्तं वा, पूर्ति वा, सोणियं वा,
अण्णयरं वा सरोरावयवं ॥ १९. केवली बूया आयाणमेयं-से तत्थ ऊसढं पगरेमाणे पयलेज्ज वा पवडेज्ज वा।
से तत्थ पयलमाणे' वा पवडमाणे वा हत्थं वा', 'पायं वा, बाहुं वा, ऊरुवा, ° उदरं वा, सीसं वा, अण्णतरं वा कायंसि इंदिय-जातं लूसेज्ज वा, पाणाणि वा भूयाणि वा जीवाणि वा सत्ताणि वा अभिहणेज्ज वा', 'वत्तेज्ज वा, लेसेज्ज वा, संघंसेज्ज वा, संघट्टेज्ज वा, परियावेज्ज वा, किलामेज्ज वा ठाणाओ ठाणं संकामेज्ज वा, जीविआओ ° ववरोवेज्ज वा। अह भिक्खूणं पुवोवदिट्ठा एस पइण्णा, "एस हेऊ, एस कारणं, एस उवएसो,'
१. सं० पा०-पुरिसंतरकडे जाब चेतेज्जा । २. सं० पा०--अपुरिसंतरकडे जाव णो। ३. सं. पा.-.-पूरिसंतरकडे जाव चेतेज्जा। ४. गाढा (क, च, ब); आगाढावगाढेहि (घ);
आगाढादीहिं (छ)1 ५. 'उत्सृष्टम्' उत्सर्जनं त्यागमुच्चारादेः (वृ)।
६. पयले ° (क, च, छ)। ७. पवडे (क, च, छ)। ८. सं० पा०- हत्थं वा जाव सीसं । ६. सं० पा०-अभिहणेज्ज वा जाव ववरोवेज्ज। १०. सं० पा०-पइण्णा जाव जं।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |