Page Text
________________
पढम अज्झयणं (पिंडेसणा-पंचमो उद्दसो)
१७
समाणे सेज्ज पुण जाणेज्जा'-समणं वा, माहणं वा, गामपिंडोलगं वा, अतिहि
वा पुठ्वपविटुं पेहाए णो तेसि संलोए, सपडिदुवारे चिट्ठज्जा । ५६. 'केवली बूया आयाणमेयं -पुरा पेहाए तस्सट्ठाए परो असणं वा पाणं वा खाइम
वा साइमं वा आहट्ट दलएज्जा। अह भिक्खूणं पुब्वोवदिट्ठा एस पइण्णा एस हेऊ, एस कारणं, एस उवएसो, जंणो तेसिं संलोए, सपडिदुवारे चिट्ठज्जा" । से तमायाए एगंतमवक्कमेज्जा,
एगंतमवक्कमेत्ता अणावायमसंलोए चिट्ठज्जा। परिभायण-संभुंजण-पदं ५७. से से' परो अणावायमसंलोए चिट्ठमाणस्स असणं वा पाणं वा खाइमं वा
साइमं वा आहटु दलएज्जा, सेयं वदेज्जा-आउसंतो समणा ! इमे भे असणे वा पाणे वा खाइमे वा साइमे वा सव्वजणाए निसिट्टे, तं भुजह वा" णं परिभाएह वा गं । तं चेगइओ पडिगाहेत्ता तुसिणीओ उवेहेज्जा, अवियाई एवं मम मेव सिया । एवं माइट्टाणं संफासे, णो एवं करेज्जा ! से त्तमायाए तत्थ गच्छेज्जा, तत्थ गच्छेत्ता से पुवामेव आलोएज्जा आउसंतो समणा ! इमे भे असणं वा पाणं वा खाइमं वा साइमं वा सव्वजणाए णिसिद्धे, तं भुंजह वा णं, परिभाएह वा णं । 'से वं" वदंतं परो वएज्जा-आउसंतो समणा ! तुम चेव णं परिभाएहि । से तत्थ परिभाएमाणे णो अप्पणो खद्धं-खद्धं डायं-डायं ऊसद-ऊसढं रसियं-रसियं मणुण्णं-मणुण्णं णिद्धं-णिद्धं लुक्खं-लुक्खं, से तत्थ अमच्छिए अगिद्धे अगढिए अणज्झोववण्णे बहसममेव परिभाएज्जा। से णं परिभाएमाणं परो वएज्जा--आउसंतो समणा ! मा गं तुमं परिभाएहि, सव्वे वेगतिया भोक्खामो वा, पाहामो वा। से तत्थ भुंजमाणे णो अपणो खद्धं खलु डायं डायं ऊसढं ऊसद रसियं रसियं मणुण्णं मणुण्ण णिद्धं णिद्धं लुक्खं-लुक्खं, से तत्थ अमुच्छिए अगिद्धे अगढिए अणज्झोववण्णे बहुसममेव
भुंजेज्ज वा, पीएज्ज वा ॥ पुवपविठ्ठसमणादि-उवाइक्कमण-पदं ५८. से भिक्ख वा भिक्खुणी वा गाहावइ-कुलं पिंडवाय-पडियाए अणुपविटे
समाणे सेज्जं पुण जाणेज्जा—समणं वा, माहणं वा, गाम-पिंडोलगं वा, अतिहिं १. यथात्र गृहे श्रमणादिः कश्चित्प्रविष्टः (वृ)। ६. x (अ, घ, च) । २. X (अ, क, छ, वृ)।
७. एवं (घ); अथैनं साधुमेवम् (व)। ३. X (घ)।
८. न गृण्हीयादिति (वृ)। ४. से एव (घ)।
६- सं० पा०—भिक्खू वा जाव समाणे । ५, व (अ, ब)।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |