________________
आयारो
६१. का अरई ? के आणंदे ? एत्थंपि अग्गहे' चरे।
सव्वं हासं परिच्चज्ज, आलीण-गुत्तो परिव्वए । ६२. पुरिसा! तुममेव तुम मित्त, कि बहिया मित्तमिच्छसि ? ६३. जं जाणेज्जा उच्चालइयं, तं जाणेज्जा दूरालइयं ।
जं जाणेज्जा दूरालइयं, तं जाणेज्जा उच्चालइयं ॥ ६४. पुरिसा ! अत्ताणमेव अभिणिगिज्झ, एवं दुक्खा पमोक्खसि ॥ ६५. पुरिसा ! सच्चमेव समभिजाणाहि । ६६. सच्चस्स आणाए 'उवट्ठिए से'' मेहावी मारं तरति ।। ६७. सहिए धम्ममादाय, सेयं समणुपस्सति ॥ ६८. दुहओ जीवियस्स, परिवंदण-माणण-पूयणाए, जंसि एगे पमादेति ।। ६६. 'सहिए दुक्खमत्ताए" पुट्ठो णो झंझाए ॥ ७०. पासिमं दविए' लोयालोय-पवंचाओ मुच्चइ।
-त्ति बेमि॥ चउत्यो उद्देसो कसायविरइ-पदं ७१. से वंता कोहं च, माणं च, भायं च, लोभं च ।। ७२. एयं पासगस्स दंसणं 'उवरयसत्थस्स पलियंतकरस्स' । ७३. आयाणं [णिसिद्धा ? ] सगडभि" । ७४. जे एग जाणइ, से सव्वं जाणइ, जे सव्वं जाणइ, से एगं जाणइ ।। ७५. सव्वतो पमत्तस्स भयं, सव्वतो अप्पमत्तस्स नस्थि भयं ।। ७६. 'जे एगं नामे, से बहुं नामे, जे बहुं नामे, से एग नामे" ।। ७७. दुक्खं लोयस्स जाणित्ता॥ ७८. बंता लोगस्स संजोग, जंति वोरा महाजाणं ।
परेण परं जंति, नावखंति जीवियं ।।
७. द्रष्टव्यम् सू० ८६ ।
१. अगरहे (चू)। २. जाणहि (क); जाणेहि (च)। ३. से उवट्ठिए से (क, ख, ग); से समुट्ठिए (घ);
से उवट्ठिए (च)। ४. सहिते धम्ममादाय (च); सहिते दुक्खमत्ताते
(चूपा); ° मेत्ताते (क); ° माताते (च)। ५. दविए लोए (छ)। ६. कडस्स (क)।
६. जे एगनामे, से बहुनामे, जे बहुनामे, से
एगनामे (क); द्वादशारनयचक्रवृत्तौ 'एगणामे बहणामे' इति पाठो विवृतोस्ति-~-यद् एकस्य भावः तत् सर्वस्यापि, यत् सर्वस्य तद
एकस्यापि (प. ३७५)। १०. धीरा (क)।
Jain Education International
For Private & Personal Use Only
www.jainelibrary.org
