________________
७३८
निसीहज्झयणं दोह-रोम-पदं ६०. जे भिक्खू अण्णउत्थियस्स वा गारत्थियस्स वा दीहाई भमुग-रोमाइं कप्पेज्ज वा
संठवेज्ज वा, कप्तं वा संठवेंतं वा सातिज्जति ॥ ६१. जे भिक्खू अण्णउत्थियस्स वा गारत्थियस्स वा दीहाइं पास-रोमाइं कप्पेज्ज वा
संठवेज्ज वा, कप्तं वा संठवेंतं वा सातिज्जति ॥ मल-णीहरण-पदं ६२. जे भिक्खू अण्णउत्थियस्स वा गारत्थियस्स वा कायाओ सेयं वा जल्लं वा पंकं वा
मलं वा णीहरेज्ज वा विसोहेज्ज वा, णीहरेंतं वा विसोहेंतं वा सातिज्जति ।। ६३. जे भिक्खू अण्णउत्थियस्स वा गारत्थियस्स वा अच्छिमलं वा कण्णमलं वा दंतमलं
वा णहमलं वा णीहरेज्ज वा विसोहेज्ज वा, णीहरेंतं वा विसोहेंतं वा
सातिज्जति ॥ सोसवारिय-पदं ६४. जे भिक्खू गामाणुगाम दूइज्जमाणे अण्णउत्थियस्स वा गारत्थियस्स वा सीसदुवारियं ___करेति, करेंतं वा सातिज्जति ॥ बीभावण-पदं ६५. जे भिक्खू अप्पाणं बीभावेति, बीभावेंतं वा सातिज्जति ॥ ६६. जे भिक्खू परं बीभावेति, बीभावेत वा सातिज्जति ।। विम्हावण-पदं ६७. जे भिक्खू अप्पाणं विम्हावेति, विम्हावेतं वा सातिज्जति ॥ ६८. जे भिक्खू परं विम्हावेति, विम्हावेंतं वा सातिज्जति ॥ विपरियास-पदं ६६. जे भिक्खू अप्पाणं विप्परियासेति, विप्परियासेंतं वा सातिज्जति ।। ७०. जे भिक्खू परं विप्परियासेति, विप्परियासेंतं वा सातिज्जति ।। मुहवण्ण-पदं ७१. जे भिक्खू मुहवणं करेति, करेंतं वा सातिज्जति ॥ वेरज्ज-विरुद्ध-रज्ज-पदं ७२. जे भिक्ष वेरज्ज-विरुद्ध-रज्जसि सज्जं गमणं सज्जं आगमणं सज्जं गमणागमणं
___करेति, करेंतं वा सातिज्जति ॥ दियाभोयण-अवण्ण-पदं ७३. जे भिक्ख दियाभोयणस्स अवणं वयति, वयंत वा सातिज्जति ।।
Jain Education International
For Private & Personal Use Only
www.jainelibrary.org
