Page Text
________________
७१२
निसीहझयणं
विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेज्ज वा पधोएज्ज वा, उच्छोलेंतं वा पधोएंतं
वा सातिज्जति ॥ ३५. जे भिक्खू माउग्गामस्स मेहुण-वडियाए अण्णमण्णस्स कायंसि गंडं वा पिडयं वा
अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अण्णयरेणं आलेवण-जाएणं
आलिंपेज्ज वा विलिंपेज्ज वा, आलिंपंतं वा विलिपंतं वा सातिज्जति ॥ ३६. जे भिक्ख माउग्गामस्स मेहुण-वडियाए अण्णमण्णस्स कायंसि गंडं वा पिडयं वा,
अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदगवियडेण वा उसिणोदग-वियडेण वा उच्छोलेत्ता वा पधोएत्ता वा अण्णयरेणं आलेवणजाएणं आलिंपेत्ता वा विलिपेत्ता वा तेल्लेण वा घएण वा वसाए वा
णवणीएण वा अब्भंगेज्ज वा मक्खेज्ज वा, अब्भंगेंतं वा मक्खेंतं वा सातिज्जति ॥ ३७. जे भिक्खू माउग्गामस्स मेहुण-वडियाए अण्णमण्णस्स कायंसि गंडं वा पिडयं वा
अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा वा विच्छिदित्ता वा पूयं वा सोणियं वा णीहरेत्ता वा विसोहेत्ता वा सीओदगवियडेण वा उसिणोदग-वियडेण वा उच्छोलेत्ता वा पधोएत्ता वा अण्णयरेणं आलेवण-जाएणं आलिपेत्ता वा विलिपेत्ता वा तेल्लेण वा घएण वा वसाए वा णवणीएण बा अब्भंगेत्ता वा मक्खेत्ता वा अण्णयरेणं धूवण-जाएणं धूवेज्ज वा
पधवेज्ज वा, धूवेंतं वा पधूवेंतं वा सातिज्जति ।। किमि-पदं ३८. जे भिक्खू माउग्गामस्स मेहुण-वडियाए अण्णमण्णस्स पालुकिमियं वा कुच्छिकिमियं
वा अंगुलीए णिवेसिय-णिवेसिय णीहरति, णीहरंतं वा सातिज्जति ॥ णह-सिहा-पदं ३६. जे भिक्खू माउग्गामस्स मेहुण-वडियाए अण्णमण्णस्स दीहाओ णह-सिहाओ कप्पेज्ज
वा संठवेज्ज वा, कप्तं वा संठवेंतं वा सातिज्जति ।। दोह-रोम-पदं ४०. जे भिक्खू माउग्गामस्स मेहुण-वडियाए अण्णमण्णस्स दीहाइं जंघ-रोमाइं कप्पेज्ज
वा संठवेज्ज वा, कप्तं वा संठवेंतं वा सातिज्जति ।।। ४१. जे भिक्ख माउग्गामस्स मेहुण-वडियाए अण्णमण्णस्स दीहाइं वत्थि-रोमाई कप्पेज्ज
वा संठवेज्ज वा, कप्तं वा संठवेंतं वा सातिज्जति ॥ ४२. जे भिक्खू माउग्गामस्स मेहुण-वडियाए अण्णमण्णस्स दीह-रोमाइं कप्पेज्ज वा
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |