Page Text
________________
चउत्थो उद्देसो
६२५
२५. दो साहम्मिया एगयओ विहरंति, 'तं जहा-सेहे य राइणिए य । तत्थ राइणिए
पलिच्छन्ने, सेहतराए अपलिच्छन्ने। इच्छा राइणिए सेहतरागं उवसंपज्जइ इच्छा
नो उवसंपज्जइ, इच्छा भिक्खोववायं दलयइ कप्पागं इच्छा नो दलयइ कप्पागं" ।। राइणियनिस्साए विहरण-पदं २६. दो भिक्खुणो एगयओ विहरंति, नो ण्हं' कप्पइ अण्णमण्णमणुवसंपज्जित्ताणं' विह
रित्तए । कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ॥ २७. दो' गणावच्छेइया एगयओ विहरंति, नो ण्हं कप्पइ अण्णमण्णमणुवसंपज्जित्ताणं"
विहरित्तए । कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ॥ २८. दो आयरिय-उवज्झाया एगयओ विहरंति, नो ण्हं कप्पइ अण्णमण्णमणुव
संपज्जित्ताणं विहरित्तए। कप्पइ एहं अहाराइणियाए अण्णमण्णं उवसंपज्जित्ताणं
विहरित्तए॥ २६. बहवे भिक्खुणो एगयओ विहरंति, नो ण्हं कप्पइ अण्णमण्णमणुवसंपज्जित्ताणं
विहरित्तए । कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ॥ ३०. बहवे गणावच्छेइया एगयओ विहरंति, नो ण्हं कप्पइ अण्णमण्णमणुवसंपज्जित्ताणं
विहरित्तए । कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए । ३१. बहवे आयरिय-उवज्झाया एगयओ विहरंति, नो ण्हं कप्पइ अण्णमण्णमणुवसं
पज्जित्ताणं विहरित्तए। कप्पइ ण्हं अहाराइणियाए अण्णमण्णं उवसंपज्जित्ताणं
विहरित्तए॥ ३२. बहवे भिक्खुणो बहवे गणावच्छेइया बहवे आयरिय-उवज्झाया एगयओ विहरंति,
नो ण्हं कप्पइ अण्णमण्णमणुवसंपज्जित्ताणं विहरित्तए। कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ।
-त्ति बेमि॥
१. दलाति (ख)। २. सेहे अपलिच्छण्णे राइणिए पलिच्छण्णे तओ सेहे पूव्वामेव राइणियं उवसंपज्जति तओ पच्छा राइणिए इच्छाए उवसंपज्जइ इच्छाए णो उव- संपज्जइ ओवयस्सट्टाए भिक्खू इच्छाए वंदइ
कप्पागं इच्छाए नो वंदइ कप्पागं (क, ता)। ३. से (क, ता)। ४. अण्णमण्णं उवसंपज्जित्ताणं (ख, ग, जी, शु);
णो ण्हमिति वाक्यालङ्कारे कल्पते अन्योन्यमुपसम्पद्य विहर्तुम् (व्य० उद्देशक ४, मव पत्र
८६)। ५. से (क, ता) सर्वत्र । ६. एवं दो गणावच्छेइया (ख); एवं दो गणा
वच्छेइया एकततो (ग)। ७. अण्णमण्णं उवसंपज्जित्ताणं (ख, ग, जी, शु,
मवृ)। ८. 'क, ख, ग ता' संकेतितादर्शषु पाठसंक्षेपो विद्यते-एवं आयरियउवझाया एवं बहवे साहम्मिया गणावच्छेइया आयरियउवझाया जाव विहरित्तए।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |