Page Text
________________
पज्जोसवणाकप्पो
५५७ २७५. वासावासं पज्जोस विए भिक्खू इच्छेज्जा अण्णयरं ओरालं' तवोकम्म उवसंपज्जि
त्ताणं विहरित्तए, 'नो से कप्पइ अणापुच्छित्ता आयरियं वा जाव गणावच्छेययं वा, जं वा पुरओ कट्ट विहरइ, कप्पइ से आपुच्छित्ताणं आयरियं वा जाव जं वा पुरओ काउं विहरइ-इच्छामि णं भंते! तुब्भेहिं अब्भणुण्णाए समाणे अण्णयरं ओरालं तवोकम्म उवसंपज्जित्ताणं विहरित्तए, तं एवइयं वा एवतिक्खुत्तो वा। ते य से वियरेज्जा, एवं से कप्पइ अण्णयरं ओरालं तवोकम्म उवसंपज्जित्ताणं विहरित्तए । ते य से नो वियरेज्जा, एवं से नो कप्पइ अण्णयरं ओरालं तवोकम्म उवसंपज्जित्ताणं विहरित्तए।
से किमाहु भंते! ? आयरिया पच्चवायं जाणंति ॥ २७६. वासवासं पज्जोसविए भिक्खू इच्छेज्जा अपच्छिममारणंतिय-संलेहणा-झूसणा'
झसिए भत्तपाणपडियाइक्खिए पाओवगए कालं अणवकंखमाणे विहरित्तए वा निक्खमित्तए वा पविसित्तए वा, असणं वा पाणं वा खाइमं वा साइमं वा आहारित्तए, उच्चारं वा पासवणं वा परिट्ठावित्तए, सज्झायं वा करित्तए, धम्मजाग
रियं वा जागरित्तए, नो से कप्पइ अणापुच्छित्ता तं चेव ॥ २७७. वासावासं पज्जोस विए भिक्खू इच्छज्जा वत्थं वा पडिग्गहं वा कंबलं वा पाय
पुंछणं वा 'अण्णयरं वा उवहिं आयावित्तए वा पयावित्तए वा, नो से कप्पई एगं वा अणेगं वा अपडिण्णवित्ता गाहावइकुलं 'भत्ताए वा पाणाए वा" निक्खमित्तए वा पविसित्तए वा, असणं वा पाणं वा खाइमं वा साइमं वा आहारित्तए, बहिया विहारभूमि वा वियारभूमि वा (निक्ख मित्तए वा पविसित्तए वा ?) सज्झायं वा करित्तए, काउस्सग्गं वा ठाणं वा ठाइत्तए । अत्थि या इत्थ केइ अहासन्निहिए एगे वा अणेगे वा कंप्पइ से एवं वदित्तए-इमं ता अज्जो ! तुम मुहुत्तगं जाणाहि जाव ताव अहं गाहावइकुलं जाव काउस्सग्गं वा ठाणं वा ठाइत्तए । से य से पडिसुणेज्जा एवं से कप्पइ 'गाहावइकुलं जाव काउस्सग्गं वा ठाणं वा ठाइत्तए"। से य नो
पडिसुणेज्जा एवं से नो कप्पइ गाहावइकुलं जाव काउस्सग्गं वा ठाणं वा ठाइत्तए । २७८. वासावासं पज्जोस वियाणं नो कप्पइ निग्गंथाण वा निग्गंथीण वा अणभिग्गहिय
१. अतोने क, ख, ग, घ' प्रतिषु 'कल्लाणं सिवं
धन्नं मंगल्लं सस्सिरीयं महाणुभावं' एतानि पदानि दृश्यन्ते । चूणौँ वृत्ती च न व्याख्यातानि । २. सं० पा०--तं चेव सव्वं । ३. जूसणा (क, ख, ग, घ, पु)। ४. अण्णयरिं (ग, घ, पु)।
५. उवगरणजायं (ता)। ६. कप्पइ तत्थ (ता)। ७. भत्तपाणपडियाए (ता)। ८. कोष्ठकवर्ती पाठः बृहत्कल्पस्य प्रथमोद्देशकात्
(४५) उट्टङ्कितोस्ति । अत्र 'ता' प्रतौ पाठ
भेदोस्ति-'उच्चारपासवणं परिट्ठावित्तए'। ६. गाहावइ तं चेव (ख, ग, घ, पु)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |