Page Text
________________
पज्जोसवणाकप्पो
५३५
एगं वाससहस्सं सव्वाउयं पाल इत्ता खीणे वेयणिज्जाउयनामगोत्ते' इमीसे ओसप्पिणीए दूसमसुसमाए समाए बहुवीइक्कंताए जेसे गिम्हाणं चउत्थे मासे अट्ठमे पक्खेआसाढसुद्धे तस्स णं आसाढसुद्धस्स अट्ठमो-पक्खेणं उप्पि उज्जितसेलसिहरंसि पंचहिं छत्तीसेहिं अणगारसएहिं सद्धिं मासिएणं भत्तेणं अपाणएणं चित्ताहिं नक्खत्तेणं जोगमुवागएणं पुव्वरत्तावरत्त-कालसमयंसि नेसज्जिए कालगए जाव' सव्वदुक्खप्प
हीणे ॥ १३६. अरहओ णं अरिट्टनेमिस्स कालगयस्स जाव सव्वदुक्खप्पहीणस्स चउरासीइं
वाससहस्साई विइक्कंताई, पंचासीइमस्स य वाससहस्सस्स नव वाससयाई विइक्कं
ताई, दसमस्स य वाससयस्स अयं असीइमे संवच्छरे काले गच्छइ ।। विसतितित्थगर-पदं १४०. नमिस्स णं अरहओ कालगयस्स जाव' सव्वदुक्खप्पहीणस्स पंच वाससयसहस्साई
चउरासीइं च वाससहस्साइं नव य वाससयाई विइक्कंताई, दसमस्स य वाससयस्स ___ अयं असीइमे संवच्छरे काले गच्छइ ॥ १४१. मणिसुव्वयस्स णं अरहओ कालगयस्स जाव सव्वदुक्खप्पहीणस्स एक्कारस वाससय
सहस्साइं चउरासीइं च वाससहस्साइं नव य वाससयाई विइक्कंताई, दसमस्स य
वाससयस्स अयं असीइमे संवच्छरे काले गच्छइ ॥ १४२. मल्लिस्स णं अरहओ कालगयस्स जाव सव्वदुक्खप्पहीणस्स पन्नटुिं वाससंयसहस्साई
चउरासीइं वाससहस्साइं नव य वाससयाई विइक्कंताई, दसमस्स य वाससयस्स अयं
असीइमे संवच्छरे काले गच्छइ ।। १४३. अरस्स णं अरहओ कालगयस्स जाव सव्वदुक्खप्पहीणस्स एगे वासकोडिसहस्से
वितिक्कते, सेसं जहा मल्लिस्स। तं च एयं-पंचसट्ठि लक्खा चउरासीइसहस्सा विइक्कंता, तम्मि समए महावीरो निव्वुओ। ततो परं नववाससया विइक्कंता, दसमस्स य वाससयस्स अयं असीइमे संवच्छरे काले गच्छइ। एवं अग्गओ जाव
सेयंसो ताव दट्ठव्वं ॥ १४४. कुंथस्स णं अरहओ कालगयस्स जाव सव्वदुक्खप्पहीणस्स एगे चउभागपलिओवमे
विइक्कते, पंचसटुिं च सयसहस्सा सेसं जहा मल्लिस्स ।। १४५. संतिस्स णं अरहओ कालगयस्स जाव सव्वदुक्खप्पहीणस्स एगे चउभागूणे पलिओवमे
विइक्कते, पन्नट्टि च, सेसं जहा मल्लिस्स ॥ १४६. धम्मस्स णं अरहओ कालगयस्स जाव सव्वदुक्खप्पहीणस्स तिनि सागरोवमाई
विइक्कंताई, पन्न४ि च, सेसं जहा मल्लिस्स ।। १४७. अणंतस्स णं अरहओ कालगयस्स जाव सव्वदुक्खप्पहीणस्स सत्त सागरोवमाई
-
१. वेयणिज्जे आउए नामे गोत्ते (ता)। २. ५० सू० १०६ ।
३. प० सू० १०६। ४. लक्खा (ग)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |