Page Text
________________
५०७
पज्जोसवणाकप्पो
वरगया सिद्धत्थं खत्तियं ताहिं इट्ठाहिं जाव मियमहुरमंजुलाहिं गिराहिं संलवमाणीसंलवमाणी एवं वयासी-एवं खलु अहं सामी ! अज्ज तंसि तारिसगंसि सयणिज्जंसि (वण्णओ) जाव' चोद्दस महासुमिणे पासित्ताणं पडिबुद्धा, तं जहा—गयवसह । तं एतेसिं सामी ! ओरालाणं चोद्दसण्हं महासुमिणाणं के मन्ने कल्लाणे फल वित्ति
विसेसे भविस्सइ ? सिद्धत्यस्स सुमिणमहिम-निर्दसण-पदं ३८. तए णं से सिद्धत्थे राया तिसलाए खत्तियाणीए अंतिए एयमठे सोच्चा निसम्म
हट्टतुट्ठ-'चित्ते आणंदिए" पीइमणे परमसोमणस्सिए हरिसवस-विसप्पमाणहियए धाराहयनीवसुरहिकुसुम-चुंचुमालइय 'तणुए ऊसविय"-रोमकूवे ते सुमिणे ओगिण्हति, ओगि ण्हित्ता ईहं 'अणुपविसइ, अणुपविसित्ता अप्पणो साहाविएणं मइपुव्वएणं बुद्धिविण्णाणेणं तेसिं सुमिणाणं अत्थोग्गहं करेइ, करेत्ता तिसलं खत्तियाणि ताहिं इट्टाहिं जाव' मंगल्लाहिं मियमहुरसस्सिरीयाहिं वग्गूहिं संलवमाणेसंलवमाणे एवं वयासी-ओराला णं तुमे देवाणप्पिए ! सुमिणा दिट्टा । कल्लाणा णं तुमे देवाणुप्पिए ! सुमिणा दिट्ठा । एवं सिवा धन्ना मंगल्ला सस्सिरीया आरोग्गतुट्ठि-दीहाउय-कल्लाण-मंगलकारगा णं तुमे देवाणुप्पिए ! सुमिणा दिट्ठा, तं" अत्थलाभो देवाणुप्पिए ! भोगलाभो देवाणु प्पिए ! पुत्तलाभो देवाणुप्पिए ! सोक्खलाभो देवाणु प्पिए ! रज्जलाभो देवाणु प्पिए ! एवं खलु तुमं देवाणु प्पिए ! नवण्हं मासाणं बहुपडिपुण्णाणं अट्ठमाणं राइंदियाणं विइक्कंताणं अम्हं कुलकेउं अम्हं कुलदीवं कुलपव्वयं कुलवडेंसयं कुलतिलयं कुलकित्तिकरं कुलवित्तिकरं कुल दिणयरं कुलाधारं कुलनंदिकरं कुलजसकरं कुलपायवं कुलविवद्धणकरं सुकुमालपाणिपायं अहीणपडिपुण्णपंचिदियसरीरं लक्खणवंजणगुणोववेयं माणुम्माणपमाणपडिपुण्ण-सुजाय-सव्वंगसुंदरंग ससिसोमाकारं कंतं पियं सुदंसणं दारयं पयाहिसि।
से वि य णं दारए उम्मुक्कबालभावे विण्णय-परिणयमेत्ते जोव्वणगमणुप्पत्ते १. प० सू० २० ।
भगवत्या (११।१३४) मपि एवमेव दृश्यते । २. गाहा-द्रष्टव्यं सूत्र २० ।
५. पविसइ २ (ता)। ३. चित्तमाणं दिए (ख, घ)।
६. प० सू० ३६ । ४. X (क, ख, ग, घ, ता, पु); मूलपाठः ७. x (क); तं जहा (ख, ग, घ, पु); द्रष्टव्यं टिप्पणस्य आधारेण स्वीकृतः। तत्र एवं प०६ सूत्रस्य पादटिप्पणम् । व्याख्यातमस्ति-'धाराहय' धाराहतनीप:-- ८. अद्धट्रमाण य (पू)। कदम्बः सुरभिकुसुममिव 'चंचुमालइए' ति ६. कुलआहारं (पु); कुलआधारं (क)। पुलकिता तनु:-शरीरं यस्य स तथा । १०. अहीणसंपुण्ण (क, ख, ग, पु); अहीणपुग्न किमुक्तं भवति ? 'ऊसवियरोम' उच्छ्वसितानि (टि)। रोमाणि कूपेषु-तद्रन्ध्रषु यस्य स तथा । ११. विनाय (क, ख, ग, घ, पु) ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |