________________
सत्तमादसा
१. सुतं मे आउसं ! तेणं भगवया एवमक्खातं--इह खलु थेरेहिं भगवंतेहिं बारस भिक्खु
पडिमाओ पण्णत्ताओ॥ २. कतराओ खलु ताओ थेरेहिं भगवंतेहिं बारस भिक्खुपडिमाओ पण्णत्ताओ ? ३. इमाओ खलु ताओ थेरेहिं भगवंतेहिं बारस भिक्खुपडिमाओ पण्णत्ताओ, तं जहा
मासिया भिक्खुपडिमा', दोमासिया भिक्खुपडिमा, तेमासिया भिक्खुपडिमा, चउमासिया भिक्खुपडिमा, पंचमासिया भिक्खुपडिमा, छम्मासिया भिक्खुपडिमा, सत्तमासिया भिक्खुपडिमा, पढमा सत्तरातिदिया भिक्खुपडिमा, दोच्चा सत्तरातिदिया भिक्खुपडिमा, तच्चा सत्तरातिदिया भिक्खुपडिमा, अहोरातिदिया भिक्खु
पडिमा, एगराइया भिक्खुपडिमा ॥ ४. मासियण्णं भिक्खपडिमं पडिवन्नस्स अणगारस्स निच्चं वोसट्टकाए चत्तदेहे जे
केइ उवसग्गा उववज्जति', तं जहा-दिव्वा वा माणुस्सा वा तिरिक्खजोणिया
वा, ते उत्पन्ने सम्मं सहति खमति तितिक्खति अहियासेति ॥ ५. मासियण्णं भिक्खुपडिम पडिवन्नस्स अणगारस्स कप्पति एगा दत्ती भोयणस्स
पडिगाहेत्तए एगा पाणगस्स' अण्णाउंछं सुद्धोवहडं, निज्जू हित्ता बहवे दुपय-चउप्पयसमण-माहण-अतिहि-किवण-वणीमए, कप्पति से एगस्स भुंजमाणस्स पडिग्गाहेत्तए, नो दोण्हं नो तिण्हं नो चउण्हं नो पंचण्हं, नो गुग्विणीए, नो बालवच्छाए, नो दारगं पज्जेमाणीए', नो अंतो एलयस्स दोवि पाए साहट्ट दलमाणीए, नो बाहिं
एलुयस्स दोवि पाए साहटु दलमाणीए, एगं पादं अंतो किच्चा एगं पादं बाहिं १. 'ता' प्रती अतः संक्षिप्तपाठो विद्यते-भिक्खु- ५. उप्पज्जंति (ता)। पडिमा जाव सत्तराति दिया ।
६. पाणस्स (अ, ख, ता)। २. चियत्तं०(अ, क, ख); चियत्ते देहे (ता); ७. अण्णायउंछ (क)। चियत्तचत्तदेहे (वृ)।
८. पडिगाहेत्तए (ता)। ३. जइ (चू)।
६. पज्जमाणीए (अ), पेज्जमाणीए (क, ख)। ४. के (ता)।
१०. साह? (ता) अग्रेपि ।
Jain Education International
For Private & Personal Use Only
www.jainelibrary.org
