Page Text
________________
४०६
अणुओगदारा
६०८. से किं तं ससमय-परसमयवत्तव्वया ? ससमय-परसमयवत्तव्वया - जत्थ ससमए परसमए आघविज्जइ' 'पण्णविज्जइ परूविज्जइ दंसिज्जइ निदंसिज्जइ उवदंसिज्जइ । से तं ससमय-परसमयव त्तव्वया ॥
६०६. इयाणि को नओ कं वत्तव्वयं इच्छइ ? तत्थ ' नेगम - ववहारा" तिविहं वत्तव्वयं इच्छंति, तं जहा - ससमयवत्तव्वयं परसमयवत्तव्वयं ससमय परसमयवत्तव्वयं । दुविहं वत्तव्वयं इच्छइ, तं जहा - ससमयवत्तव्वयं परसमयवत्तव्वयं । तत्थ णं जासा ससमयवत्तव्वया सा ससमयं पविट्ठा | जासा परसमयवत्तव्वया सा परसमयं विट्ठा | तम्हा दुवा वत्तव्वया, नत्थि तिविहा वत्तव्वया । ' तिणि सद्दनया एगं ससमयवत्तव्वयं इच्छंति", नत्थि परसमयवत्तव्वया । कम्हा ? जम्हा परसमए अणट्ठे अहेऊ असब्भावे 'अकिरिया' उम्मग्गे अणुवएसे" मिच्छादंसणमिति कट्टु, तम्हा सव्वा ससमयवत्तब्वया, नत्थि परसमयवत्तव्वया, नत्थि ससमय-परसमयवत्तव्वया । से तं वत्तव्वया ॥
वक्कमाणुओगवारे अत्याहिगार-पदं
६१०.
. से किं तं अत्थाहिगारे ? अत्थाहिगारे - जो जस्स अज्झयणस्स अत्याहिगारो, तं जहा --
गाहा
१. सावज्जजोगविरई २. उक्कित्तण ३. गुणवओ य पडिवत्ती । ४. खलियस्स निंदणा ५. वणतिगिच्छ ६. गुणधारणा चेव ॥१॥ - सेतं अत्याहिगारे ॥
उबक्कमाणुओगवारे समोयार-पदं
६११. से किं तं समोयारे ? समोयारे छव्विहे पण्णत्ते तं जहा - १. नामसमोयारे २. ठवणसमोयारे ३. दव्वसमोयारे ४. खेत्तसमोयारे ५. कालसमोयारे ६. भावसमोयारे ॥
६१२. नामट्टवणाओ गयाओ' जाव' । से तं भवियसरी रदव्वसमोयारे ॥
६१३. से किं तं जाणग सरीर भवियसरीर - वतिरित्ते दव्वसमोयारे ? जाणगसरीर-भविय
सरीरवत्तिरित्ते दव्वसमोयारे तिविहे पण्णत्ते, तं जहा - आयसमोयारे परसमोयारे तदुभयसमोयारे । सव्वदव्वा विणं आयसमोयारेणं आयभावे समोयरंति, परसमो
१. सं० पा० - आघविज्जड़ जाव उवदंसिज्जइ । २. दव्वट्टितो ( चू); नैगमव्यवहारौ त्रिविधां वक्तव्यतामिच्छतः (हा ) ; सङग्रहस्तु सामान्यवादिनैगमान्तर्गतत्वेन विवक्षितत्वात् सूत्रगतिवैचित्र्याद्वा न पृथगुक्तः ( है ) । ३. x ( क ) ।
Jain Education International
४. तिन्हं सनयाणं ससमयवत्तव्वया (चू ) । ५. अकिरिए ( ख, ग ) ।
६. उम्मग्गे अणुवएसे अकिरिया (चू ) । ७. सामाइयस्स अत्याहिगारो ( क ) । ८. पुणं वण्णियाओ ( ख, ग ) । ६. अणु० सू० ६ १७ ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |