Page Text
________________
२७४
सासय-कड - निबद्ध-निकाइया जिणपण्णत्ता भावा आघविज्जंति पण्णविज्जंति परूविज्जंति दंसिज्जंति निदंसिज्जंति उवदंसिज्जति ।
मंदी
से एवं आया, एवं नाया, एवं विष्णाया, एवं चरण-करण - परूवणा आघविज्जइ । सेत्तं पण्हावागरणाई ||
१. से किं तं विवागसुयं ? विवागसुए णं सुकड - दुक्कडाणं कम्माणं फलविवागे आघविज्जइ । तत्थ णं दस दुहविवागा, दस सुहविवागा ।
से किं तं दुहविवागा ? दुहविवागेसु णं दुहविवागाणं नगराई, उज्जाणाई वणसंडाई, चेइयाई, समोसरणाई, रायाणो, अम्मापियरो, धम्मायरिया, धम्मकहाओ, इहलोइय-परलोइया रिद्धिविसेसा, निरयगमणाई, 'संसारभवपवंचा, दुहपरंपराओ", दुक्कुल पच्चायाईयो, दुल्लहबोहियत्तं आघविज्जइ । सेत्तं दुहविवागा ।
से किं तं सुहविवागा ? सुहविवागेसु णं सुहविवागाणं नगराई, उज्जाणाई, वणसंडाई, चेइयाई, समोसरणाई, रायाणो, अम्मापियरो, धम्मायरिया, धम्मकहाओ, इहलोइय-परलोइया इड्ढिविसेसा, भोगपरिच्चागा, पव्वज्जाओ, परिआया, सुयपरिग्गहा, तवोवहाणाई, संलेहणाओ, भत्तपच्चक्खाणाई, पाओवगमणाई, देवलोगगमणाई', सुहपरंपराओ, सुकुलपच्चायाईओ, पुणबोहिलाभा, अंतकिरियाओ य आघविज्जति । सेत्तं सुहविवागा ।
विवागस्यस्स' णं परित्ता वायणा, संखेज्जा अणुओगदारा, संखेज्जा वेढा, संखेज्जा सिलोगा, संखेज्जाओ निज्जुत्तीओ, संखेज्जाओ संगहणीओ, संखेज्जाओ पडिवत्तीओ।
से णं अंगट्टयाए इक्कारसमे अंगे, दो सुयक्खंधा, वीसं अज्झयणा, वीसं उद्देसणकाला, वीसं समुद्दे सणकाला, संखेज्जाइ' पयसहस्साई पयग्गेणं, संखेज्जा अक्खरा, अनंता गमा, अनंता पज्जवा, परित्ता तसा, अनंता थावरा सासय-कड निबद्धनिकाइया जिणपण्णत्ता भावा आघविज्जंति पण्णविज्जंति परूविज्जंति दंसिज्जंति निदंसिज्जंति उवदंसिज्जंति ।
से एवं आया, एवं नाया, एवं विष्णाया, एवं चरण- करण- परूवणा आघविज्जइ । सेत्तं विवागसुयं ॥
९२. से किं तं दिट्टिवाए ? दिट्टिवाए णं सव्वभावपरूवणा आघविज्जइ । से समासओ पंचविहे पण्णत्ते, तं जहा - १. परिकम्मे २. सुत्ताई ३. पुव्वगए ४ अणुओगे ५. चूलिया ।।
६३. से किं तं परिकम्मे ? परिकम्मे सत्तविहे पण्णत्ते, तं जहा - १. सिद्धसेणियापरिकम्मे २. मणुस्स सेणियापरिकम्मे ३. पुटुसेणियापरिकम्मे ४. ओगाढ सेणिया परि
१. दुहपरंपराओ संसारभवपवंचा (पु) ।
२. विवागत्ते ( g ) ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |