Page Text
________________
नंदी
२५२ १०. से किं तं आणुगामियं ओहिनाणं ? आणुगामियं ओहिनाणं दुविहं पण्णत्तं, तं जहा
अंतगयं च मझगयं च ॥ ११. से किं तं अंतगयं ? अंतगयं तिविहं पण्णत्तं, तं जहा–पुरओ अंतगयं, मग्गओ अंत
गयं, पासओ अंतगयं ॥ १२. से किं तं पुरओ अंतगयं ? पुरओ अंतगयं से जहानामए केइ पुरिसे उक्कं वा चुड
लियं' वा अलायं वा मणि वा 'जोइं वा पईवं वा पुरओ काउं पणोल्लेमाणे-पणो
ल्लेमाणे गच्छेज्जा । सेत्तं पुरओ अंतगयं ।। १३. से किं तं मग्गओ अंतगयं ? मग्गओ अंतगयं-से जहानामए केइ पुरिसे उक्कं वा
चुडलियं वा अलायं वा मणि वा जोइं वा पईवं वा मग्गओ काउं अणुकड्ढेमाणे
-अणुकड्ढेमाणे गच्छेज्जा । सेत्तं मग्गओ अंतगयं ।। १४. से किं तं पासओ अंतगयं ? पासओ अंतगयं-से जहानामए केइ पुरिसे उक्कं वा
चुडलियं वा अलायं वा मणि वा जोइं वा पईवं वा पासओ काउं परिकड्ढेमाणे
परिकड्ढेमाणे गच्छेज्जा । सेत्तं पासओ अंतगयं । सेत्तं अंतगयं ।। १५. से किं तं मझगयं ? मझगयं-से जहानामए केइ पुरिसे उक्कं वा चुडलियं वा
अलायं वा मणि वा जोइं वा पईवं वा मत्थए काउ' गच्छेज्जा । सेत्तं मझगयं ।। १६. अंतगयस्स मज्झगयस्स य को पइविसेसो ? पुरओ अंतगएणं ओहिनाणेणं पुरओ चेव
संखेज्जाणि वा असंखेज्जाणि वा जोयणाइं जाणइ पासइ । मग्गओ अंतगएणं ओहिनाणेणं मग्गओ चेव संखज्जाणि वा असंखेज्जाणि वा जोयणाई जाणइ पासइ । पासओ अंतगएणं ओहिनाणेणं पासओ चेव संखेज्जाणि वा असंखेज्जाणि वा जोयणाई जाणइ पासइ। मझगएणं ओहिनाणेणं सव्वओ समंता संखेज्जाणि वा असंखेज्जाणि वा जोयणाई
जाणइ पासइ । सेत्तं आणुगामियं ओहिनाणं ।। १७. से किं तं अणाणगामियं ओहिनाणं ? अणाणुगामियं ओहिनाणं-से जहानामए केइ
पुरिसे एगं महंतं जोइट्टाणं काउं तस्सेव जोइट्ठाणस्स परिपेरंतेहि-परिपेरंतेहि परिघोलेमाणे-परिघोलेमाणे तमेव जोइट्टाणं पासइ, अण्णत्थ गए न पासइ । एवमेव अणाणुगामियं ओहिनाणं जत्थेव समुप्पज्जइ तत्थेव संखेज्जाणि वा असंखेज्जाणि वा संबद्धाणि वा असंबद्धाणि वा जोयणाई जाणइ पासइ, अण्णत्थ गए ण पासइ । सेत्तं अणाणुगामियं ओहिनाणं ।।
१. चलियं (क, ख); अत्रार्थसमीक्षापूर्वकमस्मा-
भिश्चू णि वृत्ति सम्मतः पाठः स्वीकृतः । २. पईवं वा जोइं वा (क, ख) सर्वत्र ।
३. काउं समुव्वहमाणे-समुव्वहमाणे (क, ख)। ४. एवामेव (ख)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |